自從住咗hall先知，扑野原來可以咁簡單: 繼續系列《六、近水樓台，先得穴》6.2
當然，我同佢嘅活動範圍都不限於係hall入面。
我地得閒都會出去行街睇戲食飯咁，不過我地可以去嘅地方並唔係旺角、銅鑼灣、尖沙咀呢啲咁熱門嘅地標，因為好容易會撞到熟人；為咗減少麻煩，我地會特登去東涌、青衣、鑽石山呢啲比較偏門嘅地點。因為個到有商場，入面有齊餐廳、戲院呢啲基本嘅行街配套，對我地嚟講已經好足夠。
醉意之意根本不在酒，所以行旺角定東涌對我而言真係無分別。
唯一嘅麻煩都唔在於車程遠近嘅問題，而係我同佢唔可以一齊出入宿舍範圍。
「我地一陣去新蒲崗食野、再行去鑽石山睇戲？」我打比Kyle問。
「係呀，我搵到間上海嘢係新蒲崗架，好似幾好食，我地去試下囉。」佢答。
「咁我地照舊直接個到等？」
「好。」
明明我同佢大家都係同一棟hall入面，但係連出門口都要分開出，好似各自去緊唔同嘅地方咁，實際上我地嘅目的地一樣、見嘅人就正正係對方。
我地要避忌除咗因為佢有女朋友以外，阿欣仲係呢個hall嘅時候都屬於活躍嘅一份子，好多仲住係到嘅人都同佢好熟；比佢地見到Kyle同另一個女仔出出入入，一定會通風報信比阿欣聽。
我地避免有呢種麻煩出現，係hall入面扮唔識大家就係最好。
反正我就唔屬於佢個樓層，本來我就唔應該識佢。
呢種不見天日嘅生活展開之後，我都唔敢同其他人講。
畢竟無人會認為做人第三者係一件正確嘅事，稍為有少少道德價值觀嘅人都會知道呢件係錯事。
所以我嘅傾訴對象就只係得返芯宜。
可能因為佢僅僅係知道呢件事嘅唯一觀眾，所以我選擇講比佢聽。
「喂，到邊呀。」我係鑽石山地鐵站出面等Kyle。
「上緊嚟，等我一陣。」
之後我地就去咗戲院買戲飛，仲記得我地睇嘅係《太爆．太子．太空艙》。
我地買完戲飛之後就拖手拖行去新蒲崗食上海野。
「你今日個樣好似好開心咁嘅。」Kyle見我容光滿面，拖起我隻手之後就問我。
「同你咁樣出嚟好開心呀，終於唔洗屈係hall。」我係由衷地享受呢一刻，因為我地做嘅嘢終於似返對正常嘅情侶，起碼係外人眼中我地同常人無異。
「但係一陣入返商場我地都係唔好拖手住喇，我都係怕撞到人。」佢略帶憂慮咁講：「商場光猛猛咁，比人見到真係好難甩身。」
雖然我聽完之後有啲唔開心，不過我都無講啲咩，只係唯唯諾諾地點頭。
我呢個身份的確無太多嘅選擇權，我地嘅關係只可以係黑暗中浮現，絲毫嘅曝光都係不被允許。
到達新蒲崗之後，因為附近都係住宅區，所以大街上嘅人都唔多，都係以附近嘅街坊為主。
行行下，佢突然揈開我隻手，我先係錯愕，繼而有個女仔係佢面前同佢打招呼：「喂Kyle，點解你係到嘅！」
「係呀，我同我表妹嚟食野呀。」佢臨危不變咁指住我：「佢叫Zoe。」
「hello！」果個女仔好熱情咁同我say Hi：「仲以為你暪住阿欣同第二個出街添，哈哈！」
之後佢地寒暄咗幾句就走咗。
「果個女仔邊個嚟架。」我面如死灰咁問佢。
「佢係阿欣嘅莊員呀，唉，屌。」佢一臉苦惱咁講：「如果佢同返阿欣講就仆街，我仲同阿欣講今日同屋企人食飯。」
「咩呀，我咪你屋企人囉，表妹呀嘛。」我語帶諷刺咁講。
「唉，你唔好嬲喇，我都唔想架嘛。」佢好似氹小朋友咁摸摸我個頭同我講。
「你揈開我個刻我個感覺好差囉。」我企咗係到向佢發難。
「咁你想點呀，唔通我繼續拖住你比人撞破，然後阿欣就會同我分手架喇。」佢收起咗頭先氹我嘅樣，換來係一句冰冷無情嘅說話：「你知同我一齊係要咁，我一早講咗架喎。」
「咩都阿欣阿欣，如果你真係咁鍾意佢你就唔會有第二個喇！」我失控地大叫，路上嘅行人都向我地注視、側目。
「你發咩癲呀。」佢細細聲咁講：「唔好係條街到嘈，我地行咗先。」佢試圖拉起我隻手繼續向前行。
「我對你係咪真係咁唔重要，你只會在意阿欣嘅感受？」我揈開佢隻手，倔強地講，不斷抑壓眼入面嘅淚水想流出嚟嘅感覺。
「我只可以話，我唔會為咗你犧牲我同佢嘅一切。」佢認真地同我講：「如果你真係接受唔到，咁就算。」
本來我發難只係想佢氹多我兩句，結果換嚟係最無情嘅真心話。
我終於忍唔住喊咗出嚟，我知道我其實無資格發任何脾氣，但係此刻我只係覺得自己比起任何人更加可憐。
我係一個明知故犯、破壞人感情嘅第三者。
但我居然係條街到對住佢吵吵嚷嚷，試圖乞求一啲自己想聽到嘅安慰。
呢件事未免太過本末倒置。
呢種難受根本就係我偷戀所換返嚟嘅代價。
－－－－－－我為咗令到Kyle有朝有日會選擇同阿欣分手，再同我一齊，我不惜付出所有嘢去搏取佢嘅愛。
「我好想要…」我用腳挑逗正係床上面用macbook上緊網嘅Kyle。
「唔好喇，我今日好攰呀。」佢打咗個呵欠：「今晚乖乖地瞓覺好無？」
之後我不發一言，就咁掀開張被，幫佢套弄咗幾下之後就將佢嘅異物塞入口中。
由於無任何前戲，佢嘅下體此刻軟弱無力，完全不在狀態之中。
為咗盡快令佢有性慾，我不停地上下吸吮，另一隻手係佢睪丸處輕輕搔動幾下，再由睪丸最底部舔到上龜頭最頂。
「啊…唔好搞我喇…好敏感呀…屌…」佢一路叫唔好，一路對此刻嘅快感表示讚歎。
然後我加快口部係佢下體出入嘅速度，不時用舌尖係龜頭上打圈，佢嘅異物好快已經起死回生、生氣勃勃。
「叫咗你唔好搞，死都要整我，好想要咩？」佢忍唔住一野打落我屁股之上。「啪！」一聲巨聲係房入面迴盪，皮膚上嘅痛楚令我嘅慾望更加濃烈，此刻只係想佢盡快進入我身體之中。
我咩都無講，將成個人靠向佢身體，一邊舔佢頸上面嘅肌膚，一邊環抱住佢嘅頸部，係佢耳邊輕輕吹氣。
Kyle終於忍唔住我嘅誘惑，將成個人壓向我；出面嘅月光打入房間後，我地嘅影子都因而被投射係白色嘅牆上面。
呢個係一個好美麗嘅畫面。
我同Kyle嘅剪影彷似一套影畫戲，此刻就正在宿舍嘅房間入面上映。
我其實從來都唔鍾意口交，因為異物塞入口之後有機會頂到入喉嚨，呢種感覺絕對會觸動到我想作嘔嘅神經。
不過無論我本來幾討厭口交都好，為咗Kyle我都係會做。
因為我知道佢鍾意人地為佢口交。
特別係佢口中，佢成日都話阿欣口技好差。
「你真係含得舒服好多。」佢曾經咁樣講過。
因此，我係佢面前放盪嘅一面，都係為咗令佢更加需要我。
最起碼係床上面最親密嘅時候，佢享受同我多過阿欣。
咁樣最少我都有一樣野係比阿欣優勝。
－－－－－－
Kyle：00:37 你今晚唔好過嚟喇。
我：00:38 點解呀
Kyle：00:40 阿欣話要同我facetime，我甩唔到身。
我：00:41 咁你地傾完我先嚟囉。
之後成晚佢就消失得無影無踪。
我地嘅關係維持咗一個sem，而呢種情況其實都唔係第一次，每次呢段空窗期我都會好想離開呢段關係。
我會好理智向自己分析呢一切其實到最後都只會係徒勞無功，Kyle點都唔會為我而同阿欣分手。
我只係個可有可無嘅過人，只要我一聲話走，佢亦唔會挽留。
不過當佢事後再搵返我，我又會好似個磁石咁比佢吸返去。
呢種輪迴循環不息地發生咗足足一整個學期。
後來，阿欣因為要去exchange，佢地因為距離嘅關係，都正式分咗手。
正當我以為自己可以真正咁得到Kyle之際，我發現佢電話入面同一個叫Zoe嘅女仔日日都whatsapp。
而且講嘅說話都唔係一般朋友嘅閒談咁簡單。
Zoe : 04:21 點解你咁瞓都唔瞓嘅
Kyle：04:21 因為同緊你傾，我唔捨得瞓。
當晚我瞓係Kyle隔離，偷睇哂Kyle同Zoe嘅對話。
Zoe係隔離hall嘅呵挑。
我係Kyle隔離瞓埋最後一晚，第二日咩都無講，係佢起身之前就靜靜地走咗。
我Block哂所有可以同佢聯絡到嘅途徑，一下子就切斷咗我同佢嘅關係。
當你點樣得到愛情，你都會點樣失去愛情。
呢句說話此刻對我而言簡直係警世通言，當我以為我可以係阿欣手上得到Kyle，其實我已經變成咗另一個阿欣。
估唔到最後我同佢分開嘅原因並唔係我頂唔順呢種偷偷摸摸嘅關係，而係被我自己自身嘅角色所迫走；
第三者永遠都只係第三者。
「你同Kyle點呀？」好耐無聯絡嘅芯宜約我出去食飯，我將同Kyle之後嘅事話哂比佢聽。
「經歷完呢次之後，你就唔會想再陷入呢啲關係。」佢若有所思咁講：「因為你試過有幾痛苦，你永遠都唔會想再試多次。」
我低頭凝望住電話入面同Kyle影過嘅所有相，我終於捨得㩒「全部刪除」嘅選項。
我諗將全部回憶清空，係我對呢段關係可以做嘅最後一件事。
呢段黑歷史亦會成為我心裡面永遠嘅秘密。