【忍左好耐】【包包】某女歌星和我的一霎光輝: 【五.三】
【五.三】
我: 我只知咁耐好少同你講過既野, 呢家好想同你講.
我 : 我愛妳
包包 : 我...
(突然間有一D光向住我地過黎)
??:喂你地搞咩係度
(由於太光望唔到佢個樣, 我同包包都遮一遮D光, 原來係個之前果個管理員)
管理員:又係你呀(佢指住我), 喂你個朋友 wo, 你真人好樣多D wo, 不過好似矮左d..
(口不擇言就係呢D人)
我：得ga 啦, 無事呢度
管理員:頭先有人投訴呢個位好大音量, 成三點啦, 番屋企先做啦!
(我睇到佢既眼神好怪!我知佢誤會左應該, 但對住佢地D口水看更解釋都無謂)
我:得ga啦, 我地會檢點D
管理員望一望我, 然後就走.
我應付完佢之後, 回頭望番轉頭
包包原來係我去左同管理員傾野既時候
坐番係榕樹下既長椅度/
係呢個大約45度角望過去
唔同燈光反射係佢塊面度.
雖然佢仲有少少baby fat(對比今日)
但我相信我永遠最喜歡既就係呢一張咀臉
雖然我當時企既位置同佢有一段距離
但我相信我個心同佢既距離係最近
我慢慢行去佢果邊
我坐低左向佢右邊
因為果日比較涷
我好自然將件外套疊左係佢身上
之後將佢隻手拖住放係自己衫袋到.
佢隻手好涷
但佢手既皮膚仍舊幼細
因為同包包距離好近,
我仍然嗅到佢噴係身度一隻好甜既水果香水
而佢無正面望住我, 只係一直望住地下
我: 包包, 對唔住之前既事
(我仔細望住包包既面, 好似殘左少少, 或者佢真係辛苦左, 又要開夜)
包包:唔好再講啦風, 算啦之前既事, 或者個天要我等你番黎, 真係等得到.
我: 你個衰婆係咪真係因為我填左d歌.?想冧死我呀?
包包:傻你個頭, 少少咁啦, 呢幾排好多野做. 又要忙PROMOTE又要忙開戲埋尾, 好似後日又有FUNCTION出席.
我:如果辛苦就慢慢黎啦有時
包包: 慢慢?我好難先上到位呢家, 我趁呢家想博盡去
(包包係一個好堅持既人, 如果有d野佢要做, 佢就一定會做到)
我:你真係好西利, 有時我覺得我攀唔起你, 我呢家讀書又唔掂, 唉都唔知點.
包包:其實唔怪得你, 由你中五到依家都同我一齊, 之前又陪我幫我手......
我:痴線啦, 邊關得你事. 係我自己問題
包包: 如果, 咁講下, 你不如之後照幫我手啦, 我而家又多左野做, 雖然我地關係唔可以公開, 至少我多左機會見到你, 而我又可以俾番少少錢你.
我: 咁我咪算係你背後既男人?
(其實我唔係好鍾意食佢軟飯感覺)
包包:或者你咁睇呀, 之後下年我會有個TRIP, 你做我P.T私底下幫我手助理, 咁我地咪當去下旅行啦.
我: 好啦.
(佢果時可以講好了解我, 真係知我心諗緊咩)
我見佢之後打左個喊路
我睇睇錶, 已經四點啦
我:不如你上去先啦, 你累了
包包:唔啦, 我今日唔想番去字. 聽日出完活動同你去
我:好啦, 你挨係我膊頭訓下, 就天光我叫醒你
包包: 嗯...係呀, 聽日呢出完活動同你去一到地方
我: 咩地方?
.
.
.
原來佢已經坐係度挨住我膊頭訓
當晚, 我一邊攬住佢掃住佢頭髮
一邊聽住mp3 佢既歌
感覺又已經不同了
(續)