屍殺大廈: Ch.21
「走得啦！」肥雪揮手
與此同時，殭屍逼近了
「有冇打火機」肥雪望了望地上的石油氣罐，然後問達叔
「唔好……」達叔好似知道肥雪在想甚麼
「畀我啊！」肥雪大怒
達叔便遞上打火機。肥雪見我們已踏出大閘後，便反鎖自己。
「雪！你做緊乜嘢啊？！」神父十分驚訝
「華…你就畀我威返一次……畀我喺你前面」肥雪語重心長，變得嚴肅
肥雪這個樣，我都係第一次見到，唔通呢個先係真正嘅肥雪
肥雪冇再理會神父和達叔，他左手提起石油氣，右手拿著打火機，慢慢地行入𨋢裏。
望住佢瀟灑嘅背影，大家都唔想佢去因為我哋而犧牲自我，但係生存就係咁，從來冇 win win ... 一係全部死，一係一個死。肥雪就為咗我哋…願意犧牲，畀我哋生存。
「雪！」神父大叫
「走啦！就嚟爆啦！」達叔拉扯住神父
我便背着小纓，笨重地走，達叔拉扯着神父，神父落晒形，但大家都係向着同一個目標出發…就係自由。
「轟轟轟轟」肥雪引爆了，整棟大廈到倒塌了