【天使之戀 - III】《公主道上與天使訂立永恆婚約》: 撒嬌學

 
我們又回到小組中進行訓練，玥嵐看到重新出現的我，表情十分驚喜。
 
「阿銓......」：她先開口向我打招呼
 
我應道：「好耐冇見。」
 
玥嵐幽道：「去做summer唔同人講既。」  
 
「啊，係啊，唔記得左。」：我不好意思地說

 
「阿Sir話今日練回旋踢，銓哥先啦。」：阿楊拿來兩個靶對著我們。
 
我一下回旋踢踢中阿楊手上的靶，他居然拿不穩靶，整個靶飛了出去。
 
「哇！阿銓你好勁啊。」：玥嵐瞪大雙眼看著我，語氣亦比平常溫柔。
 
這是什麼情況啊?總讓人覺得有點奇怪，我有種不詳的預感啊。
 
......

 
「敬禮!」
 
課堂完結後，阿嵐走到來我身旁，問道：「阿銓聽日上完堂有咩做啊?」
 
「我?冇啊。」：我答道
 
玥嵐含情脈脈地看著我，問道：「咁可唔可以......陪我去街街?」
 
這是什麼情況啊?阿嵐作為女孩子，居然主動約我外出?她根本今天整天都很奇怪啊。莫非如阿楊所說，你真的喜歡我嗎?不會吧，我這粗人一個。

 
「下?......做咩事啊?」我尷尬道：「街街......係邊到黎架？起九龍塘架？」
 
阿嵐以一副幽怨的眼神看著我，說：「因為屋企人出trip冇人理我，得返......人地一個。」
 
見鬼了!玥嵐居然用「人地」來稱呼自己?我沒聽錯吧?!她是不是被什麼東西附身了?啊！她説「去街街」的意思是「去街」吧！
 
阿嵐用溫柔的聲音嗔道：「聽日其實係人地生日。」
 
我聽後內心立即打了一個冷顫，這是什麼語氣啊?阿嵐不是在我去了洪水橋的期間受到了什麼精神刺激吧?
 
我生硬地說：「Daddy Mummy又會突然咁樣......生日都唔陪你既?」
 
「係啊，佢地掛住搵錢錢，」阿嵐竟然拉了拉我的手臂，說：「咁你聽晚有咩做啊?」
 

你都說到生日的份上了，我還能拒絕你嗎?
 
「我聽晚屋企都冇飯食，咁上完堂一齊食飯?」：我問道
 
「好啊，食飯飯吖！」：玥嵐笑逐顏開點了點頭。
 
說罷，阿嵐便腳步輕快地走回女廁更衣。
 
糟了，我自小就是個教徒，從來不怕鬼怪什麼的，但現在我又怕了。
 
阿楊走到來我面前，問道：「仲未換衫?我感應到5分鐘之後就有一班170到架啦。」
 
我倒抽一口寒氣，問道：「新約入面咪有個chapter講個男人抱住個仔去搵基督，話個仔比惡靈附身既，跟住......」
 
......




 

翌日 何文田某學校 7C班課室
 
7C班和6C班沒有太大的改變，芷瑤依舊坐在最左後方的角落，老師對她視而不見；她繼續孤獨一人的校園生活，沒有同學喜歡，沒有朋友。玥嵐、「畢加索」、徐嘉玲等人也在班中。
 
然而這開學的第二天，班中突然來了一位新朋友，他被安排坐在玥嵐旁邊。
 
「Henry?」 ：阿嵐驚道
 
「Verena?」：Henry也感到十分驚喜。
 
「你今年轉左黎呢間學校啊?琴日開學唔見你既?」：阿嵐問道
 
「沉日請假啊嘛。」：Henry笑說




 
Henry問道：「哇，我真係估唔到可以起學校入面撞到教友，仲可以同班，起大埔果陣真係冇試過。」
 
阿嵐聽後臉色變黑，意味深長地看著課室的左後方說：「唔止我啊，仲有個啊。」
 
阿嵐續道：「同埋隔離B班仲有阿銓同Erik。」
 
「咩話?!」Henry愕然說：「講真架?」
 
Henry看了看角落的芷瑤，再望向隔壁班的方向，笑說：「維吉爾起到，維吉爾個Crush(暗戀對象)都起到，咁真係大把野玩啦。」
 
玥嵐聽後瞪大眼看著Henry，愕然道：「咩話?咩維咩Crush啊?」
 
「佢同你咁friend, 冇同你講咩？」Henry低聲地笑說：「Vergil佢去camp果陣就已經中意Catherine架啦！」
 




玥嵐聽後呆了，但不服輸的她心中燃起了一個念頭......
 
Henry完全沒注意玥嵐的反應，只是繼續四周張望，他的目光停在了徐嘉玲和「畢加索」這對奇怪的組合身上。
 
「喂，做哂功課未啊?」：徐嘉玲回到課室後，立即向「畢加索」求救。
 
「比自己功課人抄呢，我良心就過唔去既。」：他說
 
徐嘉玲把一張港幣伍拾圓放在他桌面上，急道：「妖，我買起你個良心!」
 
「成交!」： 他把自己的功課遞交嘉玲。
 
嘉玲翻了翻這疊功課後，罵道：「妖!有英文reading report啊?呢個冇得抄。」
 
她再拿出一張貳拾圓塞給「畢加索」，說：「拿拿聲幫我潦份啦。」
 
Henry聽著嘉玲和「畢加索」的對話，瞪大眼睛目睹兩人的交易。這新環境為他帶來的衝擊使他感到驚喜不斷。
 
Henry環視四周，低聲地笑說：「今年真係精彩啦，呢到實好玩過迦密柏雨好多。」：
 
......
 
一整天的課堂結束後，芷瑤立即收拾好自己的東西像箭一般離開了課室。何正銓已在門外恭候多時了。
 
阿銓讚道：「你著校裙紮埋馬尾好靚。」
 
芷瑤聽後愕然地看了阿銓一眼後，立即羞澀地垂下頭，雙手緊握著書包的肩帶，不知所措；白晰的臉上泛起了兩朵紅暈。
 
看到芷瑤臉紅，阿銓的心跳也不得不急劇加快。兩人尷尬地並肩而行離開學校，一時間說不出話。
 
阿銓在開場第一句話便使大家都臉紅心跳，他惟有重新打開話題。
 
「番學點啊？」：他問道
 
「好悶......」：芷瑤睡眼惺忪地說
 
阿銓笑嘆道：「呢位姊妹，兄弟我沉晚等你訓到隻豬咁先走，再搭巴士返沙田，返到屋企整埋啲野，晏過你多多聲先訓，我都未攰。」
 
芷瑤揉了揉自己的眼睛，看著阿銓的腿說：「人地冇你咁勁咁強壯，日日練跆拳道啊嘛。眼訓啊......」
 
「講到訓，」阿銓笑說：「你沉晚一邊訓一邊流哂口水落我隻手到，於是我影左幾張靚相。」
 
芷瑤詫異地看著阿銓，焦急地拍了他的手臂一下，嗔道：「喂啊！咁過份架！」
 
芷瑤扁著嘴看著阿銓，急道：「比我睇下！」
 
阿銓則是保持著笑容說：「跟住呢你居然打埋鼻鼾喎！我忍唔住即刻拍埋片。」
 
「下？我訓覺有打鼻鼾架？!」：芷瑤張開口，更加驚呆地看著阿銓。
 
阿銓從口袋中拿出自己的手機，說：「係啊，好動聽架!」
 
「喂啊!」芷瑤嬌嗔道：「Delete左佢啊!」
 
「梗係唔del啦，超得意啊!」：阿銓把手機遞高
 
「點解呢個人咁過份架?!」芷瑤使出自己那雙水靈靈的大眼睛，楚楚可憐地凝視著阿銓，嗔道：「早知就返屋企訓，或者同老鼠仔一齊訓都唔搵你啦!你個怪哥哥居然趁人訓覺果陣偷影人。」
 
芷瑤這可憐的眼神和表情「電傷」了阿銓。就在阿銓心神蕩漾時，她一下跳高去搶阿銓的手機，阿銓卻不放手，大家便一起捉著手機不放，而且......還捉住了手。
 
阿銓呆呆地看著自己和芷瑤相碰著的手，耳朵灼熱得如被火燒一樣。下一秒，芷瑤也醒覺到自己在做什麼後，便尷尬地收回自己的手，別過臉去，她雪白晶瑩的臉頓變得通紅一片，紅得可以作顏料。
 
阿銓生硬道：「講下笑......同你玩下喳，偷......偷影女仔啲咁既野我唔會做架。」
 
芷瑤疑惑地看了看阿銓，然後指著路口的另一邊，羞澀道：「我......一陣先返教會，而家......返一返屋企先。」
 
「咁啊?.....好啦，一......一陣見啦」：阿銓生硬道
 
......
 
芷瑤走回自己在愛民邨的家中，阿銓則是回到會堂準備上跆拳道班。
 
阿嵐看到阿銓，馬上走到他面前，笑著向他打招呼：「阿銓!」
 
阿銓無奈地說：「生日快樂......」
 
阿嵐咬著唇說：「呢啲可以留返一陣我地去街街先講啦。」
 
玥嵐的舉動頓時使阿銓心中一震。好端端的突然咬唇，再加上這兩天她說話時動不動就用些「人地」、「我地」、「去街街」等字眼，何正銓開始懷疑阿嵐患有思覺失調。
 
 
一小時後 何文田愛民邨 某住宅單位 馮佩君
 
「叮噹!」：我按下芷瑤家的門鈴。
 
「佩君姐姐。」：芷瑤打開門讓我進屋。
 
芷瑤正跪在坐地上，拿著一枝沾了墨的毛筆在畫著自己上學用的皮鞋。
 
「做緊咩啊？」：我問道
 
「對鞋損左姐。」：芷瑤把鞋面破掉露出灰色的地方用毛筆塗一塗後，我們便只看到一片黑色，看不出那裡破損了。
 
我看著桌面上的一個白色膠袋，問道：「你又食豬仔包啊？你搵下其他野食得唔得啊？」
 
「最平係呢樣架啦。」：芷瑤答道
 
我有氣無力地坐在梳化上，廳中那老舊的電視正播著一套翡翠台的古裝劇。
 
------------------------------------------------------------------------------------------------
一位衣著華麗的中年母親坐在廳中，她周圍有幾位婢女侍候著。大廳中的裝飾富麗堂皇，所有傢俱都是用名貴木材或是雲石打造的，一看便知是大戶人家。
 
她的兒子快步走出廳門，母親把他喝停，問道：「尚武，你又去邊到啊?!」
 
「又去喜鵲樓搵個歌姬瞳兒啊?」：母親質問道
 
「是又如何?」：兒子答道
 
「我係唔明白!」母親問道：「朝廷兵部尚書賈大人既千金貌美如花、知書識禮、琴棋書畫皆精!難得朝廷重臣賈大人都睇得起你，你唔都將佢千金迎娶過來，而係終日花時間起個瞳兒身上!你究竟起到諗咩架?」
 
「賈大人千金既然係如你所講一樣，有此等好條件，自然會搵到佢既如意郎君，唔需要我啦!」兒子駁道：「我就係只鍾愛瞳兒，無論你地意思如何!」
 
「不肖子!你知唔知自己係何等大逆不道?!」母親暴跳如雷，罵道：「兒女婚嫁之事一向由父母安排，何時輪到你自行決擇?」
 
「成婚最重要係門當戶對!我地薛家長子同朝廷重臣賈大人家千金成婚，乃是城中佳話；就算你唔迎娶賈千金，都至少要搵個同薛家一樣有頭有面既大戶人家通婚。」母親罵道：「你現在居然追求一個起出面拋頭露面賣唱既窮歌姬?你叫你爹以後點起京城立足啊?」
 
「門當戶對?」兒子駁道：「若然要我為左所謂既『門當戶對』而放棄瞳兒，娶一個自己不愛之人，我寧願終生不娶!」
------------------------------------------------------------------------------------------------
 
......
 
正在「補鞋」 的芷瑤目不轉睛地瞪著電視，看得完全入了神。
 
「窮歌姬，門當戶對......」：芷瑤呆道
 
「豈!」我取過電視遙控器，隨便轉了另一個頻道，罵道：「咪成日睇埋哂無線啲傻仔戲啦，扭曲哂你啲愛情觀啊!」
 
芷瑤苦笑說：「我同喜鵲樓果個窮歌姬瞳兒都幾似，現代既我都只係個起何文田廣場到賣藝既......」
 
我拍了拍她的頭，說道：「醒下啦傻妹!人地拍緊古裝戲先起講咩門當戶對、指腹為婚喳!你而家係起現代既香港啊，廿一世紀都過左幾年啦。」
 
「我知貧同富，」芷瑤苦笑說：「不過平時見到精品店啲野咁靚，如果買得起既話我都想買件正式見得人既禮物比Vergil，而唔係好似而家咁，大熱天時織左條唔知算點既頸巾比佢，連舊冷都係其他人用剩比我。」
 
「所以我就叫你咪再睇無線啲戲啦，你真係不食人間煙火，」我深嘆了一口氣，說道：「的確有部份女仔揀男仔時，係會睇佢有冇錢；但係男仔中意女仔既時候呢，係好少會介意個女仔屋企窮唔窮架。」
 
我直接說：「你照咁比條頸巾阿銓得架啦，佢一定會好開心架。比起一隻名錶、一條皮帶、呔或者其他既貴價野啊，佢一定中意你親手整既野多幾百倍。」
 
「今日返學果陣未有機會比佢......」芷瑤咬著唇，靦腆道：「我都唔知啊，帶埋返工先算啦。如果化住妝時比佢好似冇咁尷尬。」
 
「傻架你?!你想化住妝時比佢?咁同白做有咩分別啊?」我說道：「你咪咁怕醜啦，花左咁多心思親手織出黎，梗係要以自己真面目去面對佢、送比佢啦!」
 
我無奈地說：「傅小姐啊，何正銓中意你架!你送完順手再抱一抱佢，就做硬人地女朋友仔架啦。」
 
「唔知啊......」芷瑤嬌嗔道：「啊......我返工先啦，今晚再算啦。」
 
......