我只能傷害妳，對不起: 14.

　　公司成立了兩年，她也進來這間公司一年半左右了。
 
　　我又請了一個新的sales co，一年內擴展成這樣我自己真的有點喜出望外，不過做生意就如一盤棋，行錯一步就滿盤皆落索。
 
　　新的sales co 大約在秋天的時候進來，是一個跟她年紀相若的清爽男生。
 
　　而不知道是我錯覺還是怎樣，踏入冬天後，她總是打扮得漂漂亮亮的回來公司。
 
　　「妳最近做咩成日著高踭鞋？」
 


　　「咁岩買果d新靴都係高踭囉，冇辦法。」
 
　　「做咩成日著裙？」
 
　　「係咩？我唔鐘意著褲嘛，不嬲都係喎。」
 
　　「唔係喎，妳最近d裙仲靚左添喎。」
 
　　「咩呀。」
 


　　「妳對呀新仔仔咁好，唔通……」
 
　　「講左去邊呀？」
 
　　「你地又差唔多年紀，ok喎。」
　 
　　「no la！」
 
　　「點解？」
 


　　「我鐘意成熟型。」
 
　　她一句話又令我心猿意馬。
 
　　「成熟型即係我咁？」
 
　　「唔……你都有少少低B。」
 
　　「搞錯！」
 
　　「不過，有D人話男人去到30即係3歲，望住你，我明既。」
 
　　「妳寸少陣得唔得？」
 
　　「嗯？」她歪歪頭，然後佻皮地笑了。


 
　　「唔係呀，老實，佢都OK架喎！」
 
　　「唉，唔洗講啦，我好清楚佢唔岩我。」
 
　　「哦。」
 
　　口頭上不斷向她推薦新同事，其實我只是想從她口中確認她會不會喜歡別人罷了。明明她又不是我的，我真是卑鄙又無聊。我根本沒有資格理她這些事。
 
　　如是者過了半個月。
 
　　「喂Gary，不如你去意大利一趟好冇？我搵到呢個酒莊好似唔錯。不過佢有d寸，話要d誠意先肯同我地合作。你知啦，呢d野我冇你咁在行。」拍檔說。
 
　　「都好，我都想去法國探下d老供應商，同搵下新合作機會。」
 


　　「又去法國呀？」
 
　　「係呀……」
 
　　「哦，又帶埋出面個靚女去囉。」
 
　　公事啫，又唔係d乜。
 
　　我說服著自己，撥了內線給她，「Claire，我想去一趟意大利同法國，帶埋妳去。我諗聖誕前去啦，好冇？」
 
　　「哦。即係一個月多D之後啦。」
 
　　「行程我會安排架啦，之後我再通知妳具體時間。」
 
　　如是者，我跟意大利和法國方面洽談好時間後，便排好schedule給她，讓她去安排。