我只能傷害妳，對不起: 13.

　　感情方面一直維持著這樣膠著的狀態，而我公司的業務則在蒸蒸日上。事業愛情兩得意，但人就是那麼的不知足，總要渴求不屬於自己的東西。
 
　　「唉呀仔，你唔好成日掛住做野先得架，成日打返你屋企，家嫂都話你又見客又乜。」週末，我帶著老婆同女一起回老家吃飯，「咁忙架咩？」
 
　　「奶奶呀，佢公司岩岩先開得果年幾，係最忙架啦。」老婆幫我講說話。
 
　　「哎，妳就係成日幫住佢。你呀，娶到個咁好既老婆真係幾生修到啦！B女又同你湊到肥肥白白！識做啦你！」
 
　　「知啦。」
 


　　「仔，你都算話有D成就，但係都要比番D時間屋企人架。」老豆扳起臉說。
 
　　「知道……」
 
　　這麼樂也融融的一個家庭，如果因為我的自私而毀掉的話，我真的是一個千古罪人。
 
　　飯後，我們一家人圍著電視坐，老媽子不知哪裡來的興致，拿出了我從前的照片給我老婆看。
 
　　「妳睇下，佢以前好可愛架。同B女都有少少似呀可。不過B女都係似家嫂好D，靚女。」
 


　　「哈哈！哇，你以前有拍裸照喎！」
 
　　「哎呀阿媽呀！收埋佢啦！」
 
　　看著自己以前的嬰兒照，我深深感受到自己真的活得很幸福。老豆對我很嚴厲，老媽子則是一個慈母，兩人的平衡令我有一個溫暖的童年，三餐溫飽齊齊整整。
 
　　如果我背叛老婆和女兒，女兒就不可能有這樣幸福的童年了。
 
　　我們十點幾才離開，駕車回家的途中，老婆輕拍著已經睡熟了的女兒，一邊輕聲說，「老公，我地多D返黎食飯啦，老爺奶奶見到你好開心。」
 


　　「嗯。」不知道是不是有點內疚，我又補了一句，「老婆，我盡量快D搞掂公司D野，多D返黎屋企食飯啦。」
 
　　「嗯。唔緊要啦！最多咪B女唔記得你係乜水！哈哈。」
 
　　「哇──我會死架咁樣。」
 
　　「楂車啦！講咁多野。」
 
　　人生如此，夫復何求？
 
　　我還奢求什麼呢？
 
　　星期一如常上班，我卻仍然慣性地偶爾把目光停留在她的身上。