我只能傷害妳，對不起: 7.

　　回到香港，我刻意壓抑著自己不要再flirt她，也盡量以平常心對待她。只是，也許只有我自己認為自己毫無破綻。
 
　　「喂，你做咩成日情深款款咁望住人地？」我拍檔在我房跟我商量公事，突然冒出一句話。
 
　　「下？」
 
　　「你個傻妹仔呀。」
 
　　「呃？」我一時無言以對。
 


　　「咪掛住意淫人啦，呢個project點睇啫。」
 
　　「痴線。」
 
　　事實上，我想著她的時間愈來愈多，情感已經完全出軌，有時對老婆和女兒真的感到非常愧疚，但又壓抑不了自己感情。
 
　　而且我還要常有意無意地和她獨處然後暗自陶醉，更把她的title改為私人秘書，企圖在title上把她私有化。不能把她真正的私有化，只好做這種無聊的事情。
 
　　正當我為此而自high著的時候。
 


　　「Gary，你記唔記得xx公司個Richard呀？」
 
　　「記得，做咩？」
 
　　「佢呢，」她頓了頓，咬了咬下唇，「問我下星期得唔得閒一齊睇戲喎。」
 
　　我心裡一驚，但強作鎮定，「係咩？咁妳應承左未呀，佢都幾靚仔呀，仲大把前途，筍盤喎。」
 
　　她明顯地扁扁嘴，我知道因為她把我當自己人，才會在我面前明顯表示不悅，「無應佢呀，唔係咁想去，又唔好意思拒絕人。」
 


　　「咪試下囉，又冇話去完就要拍拖。」
 
　　「唔……」
 
　　「好啦，見妳咁唔想去，幫下妳嘞。下星期成個星期都開會，ok？」
 
　　「哈哈！」她笑逐顏開，「乜你咁殘忍架老闆，咁冇辦法啦！」
 
　　然後，過了一個星期，那個Richard仍然不放棄，持續whatsapp她講東講西，縱使她hea應更甚是不回應。
 
　　「唉！我係咪應該去一次呢。」
 
　　「咪去囉。」雖然內心很不安，但語氣仍然故意維持淡然。
 
　　她沒有再說話，過了十五分鐘，「我走先啦，聽日見。」


 
　　「喂，我都走，等等。」
 
　　「做咩等你？你冇楂車要搭地鐵咩？」
 
　　「等陣啦，幫我鎖門咁得未？」
 
　　「哦……」沉默，「你咁麻煩架。」
 
　　「老細都唔等？！」
 
　　「咪等緊囉！」
 
　　一邊像中學情侶一樣鬥嘴，我們一直你一言我一語的走到辦公樓樓下。
 


　　「Claire！」
 
　　一臉狗公樣的Richard出現在我們公司樓下。
 
　　我卻忽然覺得也許這男生可以給她幸福。
 
　　「咁我行呢邊啦，聽日公司見啦。」我馬上擺出了老闆樣，跟她說道。
 
　　她對我露出了求救眼神。
 
　　我無視了她，頭也不回地走向停車場。
　 
　　然後在車廂裡握著呔盤，發了十五分鐘呆才開車。