飛一次大阪，談了一場六天的「同地戀」: 31

在阿包半推半就的情況下，我們真的踏進咖啡店。


甫踏進門口，BoBo就已經捕捉到我們的身影。


小美笑著說：「咦？你地又係度嘅？」


「我地啱啱挾完公仔。」阿包提起手中的多啦A夢展示給他們看。






「嘩，好大隻呀！」


我們一同坐席，他們聊得很自然，傾談著今早發生的事，只剩我、阿森和BoBo之間的氛圍很奇怪。


說不出的奇怪。






「無呀，我係講真。」BoBo忽然開始，我反應不來，就本能地問：「吓？」


「我話你無講錯野。」


「喔.......妳地今日去咗Shopping呀？」我問。






「都算係嘅。」阿森回答。


他們那一邊笑聲不斷，相反我們這邊尷尬無聲。


真夠諷刺，旅途開始的時候，明明不是這樣，情況現在完全相反。


為打破沉默，我故意嘲笑她說：「妳著咁多衫唔熱架咩？」


「我係未雨綢繆，小心夜晚凍死你呀～」她反駁道。






「我好強壯未驚過。」


「你都叫強壯咁哩個世界無潺嘅人啦。」


「我面前咪有一個。」


吵吵鬧鬧中，又好像感受不到她的憤怒，看來自己剛才的確多心了。


看氣氛有點舒緩，我就問：「點解妳地話今日唔方便嘅？」






「我嘅問題，我訓晏咗，廢事要你地等嘛。」


這個怎聽都是一個藉口。


當BoBo起身上廁所後，阿森便正色對我道：「其實今日的確係唔方便。」


「係？」


「咁多接觸都未必係一件好事。」






我腦海突然叮一聲，如燈泡亮起。


在溫泉時，我只是問是不是男女朋友的關係......


萬一是未到男女朋友關係？


萬一是另一種方式呢？


我小心翼翼地問：「你......鍾意佢呀？」






他一聽就搖搖頭說：「咁當然唔係啦。」


「咁......係？」


「唔係嘅意思係，的確有人等緊佢，但嗰個人唔係我。」