那年，我在補習社遇上她..: 第二十八章 突破（ 1 ）
同angela講完之後，我都要去補經濟個cliff yeung。
「上一堂我地講到GDP個production approach啦，即係搵個rpu…」
我愈聽愈唔入耳，一黎，有補過cliff yeung嘅人都知佢把聲真係十年都係同一個聲調，二黎係我個心仲係angela到…
我睇一睇手機，angela已讀左我..
都係嘅，話曬都係人生嘅大事，比著我都要啲時間去考慮…當下我有個心態就係我讀書唔可以再咁頹落去，一黎如果angela真係去左外國，然後我自己又讀唔成書，試問佢仲會唔會同我一齊？我一諗到咁就即刻精神曬，我同自己講，為左angela，我唔可以再咁頹..
為左你，我可以付出同埋改變一切…愛情嘅魔力真係大到你唔信…
「你地翻屋企可以做下後面啲mc先，咁我地下一堂翻黎會對嘅」
75分鐘就咁樣過左去，以前，我會覺得75分鐘度秒如年，但係今堂唔知點解我好想可以再上耐啲…
全部都係為左你…angela…
之後我又翻去附近個m記，溫書…因為補完之後差唔多5點，7點幾我又要補英文…
以前我會趁呢兩個鐘去玩，去行outlet…一諗起angela…我就好想出人頭地，一定要襯得起佢…
你可能會話我好蠢，反正付出左幾多，angela都睇唔到..
有時愛情嘅付出唔洗講話睇唔睇到，只要過得著自己嘅良心就好..
「來自Angela」溫溫下書，部機又彈左個snapchat通知出黎
「死蠢😝😛，你估下今日咩日子？😝」佢咁講
我心諗：屌呀，4月1號…又唔係佢生日…又未到復活節…
我即刻上fb睇下今日咩日子
第一個post就係100毛講愚人節嘅post…
係wo，今日4月1號，愚人節黎，屌，點解我諗唔到！
即係angela唔洗去外國，唔洗去移民啦
我露出左一綻嘅微笑，覆返angela... 我個心都定左落黎..
「知，今日愚人節呀嘛😛」
「但係好似有人比我fake到以為我要走wo😏🐷」
「有咩🤔係咪你打果隻豬呀，豬仔不嬲都咁蠢🐽🙊」
「你咪就係果隻豬仔囉🙈死蠢，我唔走呀🙊🙈」
「😡😡😡好好玩咩」我專登扮嬲，睇下angela有咩反應，順便都玩翻佢
「😰唔好嬲啦😢😢😢😢最多我以後唔嚇你啦😢😢😢」佢覆
「😌睇黎有人以為我真係嬲wo🐽🙊」我覆
「😛冇呀 邊個咁蠢會比一隻豬fake到☺️」佢覆
之後佢就改左我個名做豬...如果，如果我地一世都可以咁，咁幾好…
自從過左4月1號之後，我同angela好似變得更加熟，起碼儲火唔係真係為儲而儲，當中會真係好似wts咁傾計
而每次我收到佢snapchat之後，我都唔敢第一時間去開，因為始終我都會好緊張…
過左1個禮拜，我已經習慣左同angela每日咁傾計，雖然有時佢都會隔可能半個鐘先覆，又或者係已讀我，但係多數我都會去主動開翻個話題..通常都係send啲動物相比佢，逗下佢開心..咁耐而黎，我send過豬，貓貓，熊貓，松鼠，總之一無話題就send呢啲…但係我冇send過狗比佢，但係佢同我講過佢最中意嘅係狗狗
「喂呀，你下次可唔可以send下狗狗嘅相呀😢😢😢😢我要睇狗狗呀😫😫😫！」似乎，佢都見到我冇sd過狗狗嘅野比佢
「我同你講啲野，你唔好笑我😢」我覆
「講啦😎我寫包單唔笑你」
「好啦，我同你講😪我細細個比狗咬過，依家一見到狗就好驚😢」
無錯，唔怕同你地講，小弟細個的確係比狗咬過，而依家一見到狗都一定會彈開2米….
「吓😰😰😰你講真架😢等我仲諗著你會sd狗狗啲相比我😢」
我諗左一陣，都唔知應該點覆..跟著angela又講
「好啦😛咁等我日日都sd狗狗圖比你，你日日見到狗狗咪唔會驚囉😝」佢咁講
「係咪真架😢」其實小弟真係好驚狗…
講完之後，angela就係ig cap左幾幅狗狗相比我…
「嗱😍你睇下，係咪好得意呀😍😍😍😍」
老實講，其實我真係有少少驚....但係鬼叫angela中意咩，咁我都要頂硬上…
「睇睇下又真係好似幾得意wo😢🙊」我咁講
「嗱😍係咪下 我以後keep著sd比你😍你咪唔會驚囉」angela咁講
如果可以…我都想永遠可以睇到angela sd比我嘅狗狗圖…如果…如果
.
.
.
.
「喂屌，爽，返埋今日又有假放」一返到學校，仆佳就同我講
「放咩假？」我問
「屌咩，復活節假囉，今年放成兩個禮拜」仆佳講
「嘩，咁你咪可以約crystal約足14日」我講
「其實都係嘅，話時話，趁著今個復活節假，約你個angela出黎啦，睇戲又好，做乜都好」仆佳咁同我講
「吓？咁快約人出街？我同佢依家唔係幾熟咋wo」我咁同仆佳講…其實講到尾，都係我自己淆底姐…
因為我就算一諗起佢個樣，我都會面紅，心跳加速，更加唔洗講面對面同佢近距離有身體接觸..
「屌，你地熟到可以食啦，你地日日咁傾，唔知仲以為你同佢拍緊拖」仆佳講
「吓，認真呢」我講
「仆街，有冇女仔會咁得閒日日記得sd狗仔相比一個佢冇feel嘅男仔呀」仆佳咁講
聽完仆佳咁講，我諗諗下又好似係..自從我同angela講話我驚狗果日之後，佢都會sd狗狗相比我…
「屌，唔係呀，即係…」我未講完，仆佳已經打斷左我
「得，我明，比你部機我」仆佳咁講
我當下好似一個比人打劫嘅受害人，只好乖乖地拎部機出黎比佢..
仆佳背著我，唔比我睇到佢打緊啲乜..
當我拎返部手機果陣，見到個screen係同angela wts果個頁面..
仆佳幫我打：「你呢個復活節假得唔得閒🙈😳去唔去睇救疆清道夫😳」
我屌！！！我一啲心理準備都冇呀！！你依家同我黎約佢？？？