那年，我在補習社遇上她..: 第廿十七章 發展 ( 2 )

過左2月呢個戀愛季節，踏進3月，就代表近著我校內嘅測驗都隨之而來。
雖然呢次只係為期一個星期嘅UT，但係全班都唔敢怠慢，測驗前兩個禮拜都去曬自修室。
 
當然，我班啲同學大部份都係成雙成對咁去，好似高佬俊同Kitty，仆佳同crystal咁，每次見到佢地係自修室卿卿我我，我都有鼓吃不到葡萄是酸的感覺..
 
我錯過左太多太多野，錯失左太多太多嘅時間…我由第一眼見到你，就認定左你係我最中意嘅人..只係當中有唔同嘅人，唔同嘅事將我地斬開..Angela，我真係好中意你..
 
雖然我都會去自修室，但係老實講，我個心邊會專心得到..每當angela一send個snap黎，我就會即刻拎起手機去覆佢，即使好多時候，佢都係隔左差唔多半個鐘先覆返我，但係個半個鐘我不斷咁諗佢會覆啲乜，到頭來一日連一課都唔知溫唔溫到..
 
「😩今日又要早起當值」朝早一開手機，就見到係angela snapchat我..




 
其實，我都唔知點形容呢隻飄飄然嘅感覺，我感覺到我同angela之間嘅距離好似收窄左好多咁，畢竟我同佢都儲左40幾日火。但係一方面我又擔心我地兩個好似會變到好陌生，因為我地基本上都係靠snapchat黎維繫關係，佢依家連習都冇補，始終，面對面嘅溝通都一定係好過網絡上嘅問好。
 
「Prefect姐姐又要去當值呀？😂」無錯，佢係一個品學兼優嘅女神，而我只係一個小小嘅毒撚..
 
朝早覆完佢之後，我求其揭一揭本補習notes，今日係測英文..但係呢兩個禮拜，唔好講話係英文，我基本上無一科係溫得熟..因為我個心已經飛左去同佢snapchat…
 
我真係好中意你..angela..
 
臨入校門之前，我睇多次個snapchat，angela又已讀我..




 
比佢已讀又有咩所謂…我都已經睇化曬…最緊要係你開心，angela..
 
「Time is up..」一科英文就咁測完，往後測驗我都過著好似行屍走肉嘅日子咁，我腦海靜係諗著一個人..
 
3月尾，各科成績出左，學校預計我dse best 5得15分…15分
 
其實我都唔出奇，我呢次測驗根本就冇心作戰，我將自己嘅時間全部放曬係angela到..而咁亦都證明左我對佢嘅努力係冇白費，因為係四月一號，佢冇啦啦snapchat我..
 
「同你講啲野呀..我依家好亂..乜都諗唔到」佢講




 
有咩開心得自己中意嘅人肯同你分享佢依家嘅心情..收到佢呢個msg，一方面我好開心…我覺得我同angela嘅距離好似縮小左咁..另一方面，我好擔心佢..擔心佢發生左啲咩事..
 
我緊張到想即刻打比佢問佢咩事..如果可以，我想即刻摟著佢…同佢分擔呢份憂心..
 
「做咩呀😨」我覆
 
結果，我都係冇打到比佢..
 
「我阿媽話遲啲要送我去澳洲讀書..我真係好唔想去..我好唔捨得香港呀，但係我又唔想我阿爸阿媽失望..我應該點做呀..」佢話
 
睇到之後，我個心沉左一沉……點解要係去外國讀書..好似crystal咁..
佢唔捨得嘅野，包唔包括我？
 
我好驚見你唔到..




我好驚會冇左你..
即使你唔知我嘅心意..
但係我真係好中意你..angela..
 
正當我坐左係m記諗著覆佢嘅時候，我發現部iphone7上面全部都係我嘅手汗..
我真係好緊張，好驚..萬一angela去左外國我地仲有聯絡，但係啲鬼仔條件好我咁多..同埋我地根本好少面對面見面..佢會唔會唔認得我都係一個問題..
 
我戰戰兢兢繼續覆佢..
 
「你講真架…你有冇同你阿爸阿媽講過先？你平時成績咁好，dse應該唔會差啦，反正都係靜返一年，考返個dse再決定走唔走都未遲啦」我覆
 
佢等左5分鐘之後覆
 
「我知..我有同佢地講過，但係佢地話想帶我去果邊移民..最好今年搞埋，因為遲左好麻煩」
 




我個心好似跌左落無底深淵到..我wts左仆佳..同佢講話angela諗著去移民嘅事..
 
「吓，無架啦wo咁，佢去移民嘅話你一定收得皮。係就快啲約佢出黎啦，都唔知你淆乜」
 
我真係好驚好驚..但係我唔可以比angela睇到我咁懦弱..我唯有繼續扮..扮曬正常咁覆angela..
 
「吓..你同佢地講多次你自己嘅意願囉，移民係一世嘅事，點可以咁草率決定架」我咁講
 
「好..我再同佢地講下..多謝你呀」angela咁覆
 
講真，angela點覆都好我都冇心情去理…萬一佢真係決定去移民…我好亂..
 
「傻啦，多咩謝，我知你依家好亂，你有咩煩嘅就同我講啦，我永遠會係到」
 





Superman got nothing on me I'm only one call away And when you're weak I'll be strong I'm gonna keep holding on I'm only one call away ...