那年，我在補習社遇上她..: 第二十四章 空虛

聖誕聯歡會嘅完結，代表著我有一個漫長嘅聖誕假。聖誕假，我呢個假期冇約過人出去，得閒就去圖書館溫下書同打下波。我已經唔想再理其他野…

平安夜，我冇約到任何人出街，連我阿哥都約左人出去。原本，我今日應該同緊crystal去長洲，去中環睇燈飾…唔知佢依家點呢…算啦，我冇資格再去慰問佢..

我連晚飯都冇食，由晏就2點一直係到打波…係好空虛，寂寞，但係夠我個心咁空虛咩？

平安夜嘅籃球場，幸好仲有其他熱血嘅籃球人一齊…我休息果陣一打開snapchat，就見到crystal同angela嘅story

Angela基本上好少post野上story..我見到佢同一個男仔自拍，仲用緊狗狗effect..
Crystal果個就係佢影著仆佳係玩具反斗城玩，個caption係：白痴😂💕





仆佳同crystal一齊左？我唔知..

何事落到這收場…

我個心好似比刀一下一下咁割著…的確，負心漢冇權得到幸福…

我啲眼淚好唔爭氣咁一滴一滴咁流左落黎…

我擦乾淚珠，同自己講，過左2016年唔可以再係咁





可能係冬天嘅關係，寒風刺骨，增添左唔少痛楚落我隻腳到

但係點痛，都唔夠我個心咁痛…因為你..angela…

「喂，差你咋，快啲啦」場上面一個中年阿叔咁同我講

我亦都唔理腳傷，打個痛快，將我嘅空虛發泄曬係籃球上面..

翻到屋企，我專登係臨訓前睇下ig同snapchat有冇更新，見到crystal個snapchat影左幅相，係佢拖著一個男仔嘅手..應該係仆佳?我唔知，見佢搵到一個對佢咁好嘅男仔，我心入面嘅內疚感都漸漸減退..





除夕夜，呢年嘅除夕係我咁耐以黎最寂寞嘅一年..

「屌，個阿sir係咪on9，除夕都要補習」肥民咁同我講
「屌，唔緊要啦，至少仲有6，70人陪我地」

雖則我唔知點解除夕仲要補習，但係可能因為係live班，啲人嘅數目一樣冇少到

其實，除夕補習都係一個唔錯嘅選擇，起碼，有野比我做下先。

「我屌，終於補完啦，你有咩做呀」補完之後，肥民咁問我
「我今晚約左人打通宵波呀」我咁講。係就係打波，不過其實我邊個都冇約，高佬俊陪Kitty，仆佳又唔打波，校隊班友一定又同女出街…

「嘩，咁勤力，我就約左小學班frd，走先」肥民咁同我講。之後，我地各有各走。





翻到屋企大概10點，我食左個杯面就笠左件波衫出街。好彩樓下有個籃球場廿四小時都開著燈，可以比我解悶，解愁..

我為自己訂立左唔少目標，打到件nike pro都濕曬。要知道除夕呢日連10度都冇…

我射射下波嘅時候，聽到有成堆人喊happy new year

原來，已經踏入左2017…

我打開手機，第一時間睇ig

最撚仆街係啲情侶一撚定係依家放閃光彈，我search左angela嘅ig..好彩，佢去左尖沙咀，同佢一齊嘅全部都係女..

算啦，就係佢同仔去咁又點..都唔關我事

無錯，正當我咁諗嘅時候，我腦海入面又出左另一把聲，係我自己同自己講…





「陳逸希，你仲要頹幾耐呀？」

無錯，我錯過左太多太多野，後悔左好耐，到頭來先知自己中意嘅係邊個..

「happy new year☺️去左邊到倒數呀？」我鼓起勇氣，wts angela
我wts完佢之後，睇左陣ig，之後我再冇勇氣再睇我手機個screen同wts..

過左半個鐘，大概12:35分左右，我睇一睇手機，除左wts gp同肥民仲有高佬俊嘅wts之外，我就冇其他新msg..

我click入去angela個對話到，最後上線時間：12:23分，我個msg係12:01 sd過去…個msg個剔冇變做藍色，只係兩個好似我個心咁灰嘅灰剔..

腦海入面嘅只有一句話：「算啦，六師弟」

我知道，我唔係一個主動嘅人..我在意佢先會鼓起勇氣去wts佢。





但係最後我得到啲咩？連藍剔都得唔到。

腦海入面傳黎第二把聲：「可能係佢同班frd玩緊，唔得閒覆姐」

我唔知..我坐左係地下..成個活死人咁..

我真係好中意你…angela..

不讀不回…

我擺低部手機，除左我件nike pro出黎，上身赤裸咁繼續打波。
經過啲人個個都望著我，以為我係痴線，15度除衫打波。

我其實只係想藉大自然刺骨嘅寒冷黎懲罰自己。懲罰自己一直以黎嘅懦弱，懲罰自己對crystal所作嘅一切，懲罰我呢一個懦弱嘅負心漢…





我腦海一片空白，我只想想靠籃球抒發一切..

「喂，除夕都自己一個打波？」係仆佳，佢拖著crystal隻手…

Crystal望到我…佢個尷尬樣又出返曬黎…

待續..

Ps 各位真係好對唔住，咁遲先出文。事關近排我發生左啲事，搞到我心好亂，加上學校啲補堂塞到密密麻麻，所以先咁遲先出文。希望各位體諒😭