那年，我在補習社遇上她..: 第二十三章 知悉.人渣

「你仲想呃佢呃到幾時」仆佳咁問
 
「我唔知呀」我咁同佢講
 
「死契弟，呃尻人感情」我feel到仆佳今次係好認真咁講…完全唔係平時玩玩下果隻..
 
「屌你咩料呀，你估我想架？我都好辛苦架你知唔知呀」我聽到佢講句死契弟之後就冇名火起
 
「仆街，人地好女仔黎架，你仲想曬佢幾多時間呀」仆佳高過我，一野扯著我個衫領咁講..
 




「屌你中意佢咪溝佢囉」我一打撥開仆佳隻手
 
「仆街仔」講完之後，仆佳一拳打落我嘴角到
 
「屌你老母，你依家為左條女打尻我？」我忍唔到手，一拳又打落佢嘴角
 
我地兩個都比怒氣沖昏左頭腦，我地兩個不停糾纏..全級啲人都望著我地，試過將我地兩個分開，但係無奈都係阻止唔到我地..
 
「唔好打啦，做咩呀」crystal拉開我隻手
 




「死開啦」我當時簡直係燥到就算訓導係到，我都一樣唔會停，照打落去仆佳到..
 
之後愈黎愈多老師上黎，我同仆佳暫時嘅打鬥都停止左..
 
我同仆佳比人罰扣10分操行分，加埋放完假之後要每日留堂，直到3月測完驗為止…
 
我由訓導室上返我班房，經過A班果陣，發現crystal坐左係佢個位果度喊，然後hugo一直係佢隔離
 
講真，我見到咁嘅情況真係一啲醋意都冇…我中意嘅根本唔係crystal…
 




我行左入去A班個班房到…課室入面鬰靜無聲，我一入到佢，已經見到有幾十個A班嘅人用著充滿仇恨嘅眼神望著我…其實我都估到係咩事..
 
「crystal，對唔住」我行埋去講
 
「點…點解…我對你…對你咁好，你…你真係一啲feel都冇咩？你唔中意我唔緊要…點解..點解要一直拖著我？林明佳同我講曬啦，陳逸希，你…你走呀，我以後都唔想再見到你」crystal喊到成個淚人咁…我知道佢真係喊得好厲害，佢講呢翻說話時不停咁抽搐，我聽得出佢果隻冇力感…
 
我佇立係到，唔識比任何反應…
 
「走啦，聽唔到呀」Hugo當著成班面，大大聲咁喝我…
 
我一早預左呢啲情況會發生…只不過係冇預過會咁早就黎…
 
我唔識反應…
 
我行翻入D班課室，仆佳唔知愈去左邊，佢地成班人係到玩緊班會活動，陽光穿透玻璃，人聲嘅鼎沸為呢個班房繪畫出歡樂嘅色彩。




 
我，呆坐係課室一角，望著佢地面上歡樂嘅笑容，我靜係知我同呢個場景格格不入…
 

忠貞地受難 就能成佛嗎

當初 擔當 兇手 等我負人

不惜 顯得 卑鄙 將她去 撇下

敢於 狠心 分手 怎算是 極下賤

下賤就是 慢慢地搾乾她

我夠公道嗎

誰話我人渣

班上面播緊麥浚龍嘅人渣..
 
敢於狠心分手怎算下賤

我連手都唔敢分..
 
下賤就是慢慢地搾乾她

由crystal 9月1號翻黎，原來，我一直係到曬緊佢時間，搾乾緊佢..
 
我夠公道嗎 誰話我人渣





無錯，我，係一個人渣。負左你感情..
.
.
.
 
我好亂，真係好亂…
 
「鈴鈴」係打鐘聲。聖誕聯歡就咁完左。
 
呢一年，係我過得最刻骨銘心嘅聖誕..
 
放左學，我專登冇行去A班，反而我wts左crystal…好彩佢冇block我..
 
「crystal，對唔住。你真係好好，真係好好，我自問打波唔勁，又矮，我其實諗唔到有咩理由你會睇得上我。F4果陣，可以同你一齊係我最大嘅福氣，仲記唔記得，食飯果陣，我話要請你，跟著你話如果依家我用曬啲錢咁點算，驚我冇錢養你一世。冇野痛得過你當時係電話上面同我講分手…我到依家仲係歷歷在目。你對我係點，我好清楚，由我打波整親，之後陪著我去醫院，之後聽人講你足足有3日冇訓去整個100頁嘅相冊比我做生日禮物…我，對你唔住。我當左你係水泡，我將我對一個女仔嘅感情投放左係你身上面。我知我好賤…但係你知唔知我諗左幾耐先有勇氣同你講呢一翻說話？你條件好好，唔值得再對我有咩留戀，你要搵嘅，應該要搵一個真正愛你，錫你嘅人…而唔係我…我陪唔到你行剩低嘅路，對唔住…你可以繼續憎我，我唔會嬲，因為你憎我都係應份…對唔住」
 




我打打下竟然喊左出黎..我負左一個人嘅感情去換取自己嘅開心…我好想仆佳係到摑醒我…
 

 同佢講完之後個心一直都好唔舒服…我真係好驚好驚佢會做啲咩傻事出黎...我唔值得你為我呢個人渣而犧牲..
 
「嗯，我明架啦」crystal輕輕地留下呢5個字…
 
翻到屋企，我唔再理腳傷，唔再受任何野所煩擾，我換上件lillard tee，著左對kobe 11，拎埋個籃球就出左街。
 
籃球場，永遠係我最好，最平靜嘅避風塘...