那年，我在補習社遇上她..: 第十九章 告白.騙徒 （ 2 ）
Crystal一路幫我推輪椅到骨科病房，醫生同護士幫我檢完查之後，同我講話依家個情況詳細要用x光照埋先知，即係我聽日仲要留係間垃圾醫院入面。
「我去一去廁所先，你隻傻豬唔好亂走呀」crystal同我講
「哦..」我咁同佢講
冇幾耐我個濕尻阿哥都黎左。佢幫我拎左我啲衫褲過黎，同埋拎埋我個書包翻屋企
「喂，老豆之前知你生日佢會唔係到，之前擺低左部iphone 7叫我生日比你」
估唔到我呀哥居然冇私吞部iphone..
之後crystal返左入黎..
「hello，我係crystal呀，係逸希女朋友呀」
WTF?!佢幾時變左做我女朋友？！我其實好想同佢講：「你係自己一廂情願架」
「我係佢阿哥，我唔阻你地啦」仆街，我阿哥走果陣仲望著我奸笑左一下..
「岩岩醫生點講呀，你行唔行得翻呀」crystal好緊張咁問我..
「傻婆，我拗柴咋嘛，點會行唔返呀」
「咁好啦，我依家返屋企換衫先，你係到等我啦，我好快返」
「哦」
之後crystal走左
.
.
其實係咪我比錯signal搞到crystal咁諗..唔得..陣間等佢翻黎一定要同佢講清楚..
我望一望部手機，原來係八點..仲有4個鐘我16歲生日就完..今年生日我真係過得好寂寞…
「傻豬🐽，我今晚黎唔到陪你啦😭😭😭對唔住呀❤️錫返錫返😘💋」
「哦 唔緊要啦」我咁覆crystal
之後我snapchat angela..
對唔住Angela..你可能覺得我對你忽冷忽熱咁，有事就搵你，冇事就已讀你…但係..我真係好中意你先咁…
我影左幅醫院入面嘅相，個caption係生日都要係到過..
之後我用張被蒙住頭痛哭，絕望地喊左出黎。我將今日嘅孤單，疑問，一次過忍受落黎。我為自己大聲嚎哭，為著我深愛嘅女仔痛哭…
過左一陣，唔知係咪因爲我係兒童病房到訓，因為我仲未滿18歲，成間房8點就熄左燈。
正當我諗著訓教果陣..
「happy birthday to you happy birthday to you ，happy birthday to 契弟希，happy birthday to you」
之後，病房開翻燈..原來，差唔多成班D班嘅人都黎左，crystal捧著個朱古力蛋糕…佢仲記得我中意食朱古力…
「係咪好surprise呢」「契弟，以為入左廠就搵你唔到？」
係高佬俊同仆佳…
我當著成20幾個人嘅面喊左出黎..無錯，我第一次係咁多人面前喊..
「多..多謝你地」
「傻豬，喊咩wo，你睇下我整嘅呢個蛋糕好唔好食先啦」Crystal咁同我講..
原來crystal仲好記得我生日，佢親手整左個黑森林蛋糕，個蛋糕係心型，上面寫著「My bbg hbd」..
佢伸手餵埋我食..之後成班係到狼叫..吵到啲護士都差啲趕曬佢地走..
「好唔好食呀？」佢當著成班面，好溫柔咁同我講..
「好..好食」
「我整得咁辛苦，你有咩獎勵比我先？」crystal又問
「咀佢 咀佢..」成班又跟著一齊大嗌..
我個心諗緊咩，你地知咩？
我錫左crystal塊面一啖，仆街，成班人又話：「錫面咋？」
之後crystal冇啦啦挨埋黎..
錫左落我個嘴到…
成班人不停咁叫囂，最後比人趕走曬..
佢地個個擺低曬份禮物就走左..靜返我同crystal…
佢捉著我隻手…
「逸希，其實你仲嬲唔嬲我」佢問
「做咩冇啦啦咁問」
「我見到你好似..好抗拒我咁..」講完之後，佢又開始喊..
「吓…冇呀，冇嬲啦」 第一個大話.
之後我地沉默左一陣…
「你知唔知…我岩岩到new york果陣，冇左你，得返我自己一個，你知唔知我有幾驚..」佢又繼續喊..
「我係果邊識左個男仔..佢啲性格好似你…我當左佢係你…所以..所以..」佢喊到講唔到野..
「我明..」佢坐左係我坐邊，我一直輕撫著佢個頭，同埋抹走佢塊面啲眼淚..
「我..我真係好愛你…你唔好走得唔得…」佢又喊..
「嗯..我唔會再走架啦..」 第二個大話..
「真係？」佢問
「係呀，死蠢」 第三個大話..
「係wo，我仲有野要送比你，你睇下」係一個相冊..原來個傻妹，平時一直係到偷影我，將我同佢啲相擺曬係個相冊到，仲用唔同顏色字寫滿曬每版…
「多謝你呀」我同佢咁講
「死蠢豬，女朋友送野比男朋友唔係應份架咩？」佢笑著咁同我講..
「係架..你以後都要keep著送野比我」我講.. 第四個大話..
之後，佢撲左係我個身，一直攬實我訓著左..
我仲聽到佢講緊一啲夢話：「小火龍..唔好走呀」
我一日對佢講左四次大話…真心，無論佢之前點hurt我..其實都已經抵銷翻…我做左一個仆街..一個呃尻人感情嘅騙徒…
係咁短時間入面我享受左以前我冇預料過嘅種種快樂、樂趣；係呢段時期內我忘記左過去同angela美妙嘅幻想，忘記左吳詠希…我竟然無恥到要借用crystal嘅感情…我最愛嘅，始終都係angela…吳泳希...
對唔住Crystal，希望之後你可以原諒我呢個騙徒…