那年，我在補習社遇上她..: 第十八章 告白.班籃 （ 1 ）
去到夜晚高佬俊wts我，原來班籃出左賽程。
由於f6要準備DSE，學校唔比班F6打，即係全校班籃最大就係我地。今年賽程有啲唔同，我諗係因為轉左個體育阿sir，個阿sir來頭唔細，好似係教過甲二球隊。一開頭果兩個月都唔知個阿sir來頭咁猛，係高佬俊同我講先知。
「嘩爽，今年我地班籃有得係室內打，仲要請埋籃總班球證」
「唔撚係呀⋯⋯」我從來未見過我間村校會咁dum錢落去運動果方面..
「最撚正係，f5贏左果隊成隊送對kobe AD..」高佬俊咁同我講…
學校今年真係痴左線，為左力谷籃球A grade可以去到幾盡…我諗個阿sir係想我地全力去打，事關前幾年我地幾班都係到hea著hea著黎打…
我地今年首先要對曬A B C班，首名出線再對多次名出線一次。我地第一場打嘅係C班
C D班實力同我地差唔多，比賽細節就唔講，最後都係搞我同高佬俊二打五咁贏到。
最後一班，我地要同A班，即係Hugo同Crystal果班爭首名出線…
初賽果日，我換左上年件nike 0 號校隊波衫，著左對lillard 3，無錯，我偶像係Damian Lillard。之後好撞唔撞，比我係體育館更衣室門口撞到Hugo同crystal…
「你今日要加油呀」crystal同Hugo咁講
「得啦，初賽咋嘛，等決賽先屠佢地」Hugo笑著咁同crystal咁講
佢地係咪拍緊拖？就算係，都唔關我事，我靜係中意Angela…
「死矮仔，你唔好以為你自己叫Devin就係Devin Booker呀，你睇下之後自己點輸啦」Hugo撞到我咁同我講
（係到同一啲唔識nba同籃球嘅讀者講聲唔好意思先，可能呢章一開頭會悶親你地）
「收嗲啦，唔係有mk明，信仔仲有狗然同你一班，你屎都冇得食」我直接咁同佢講
冇錯，佢地全部都係校隊正選，雖然高佬俊都係，但係A班連後備的都係校隊，得我同高佬俊點打…
對著A班，我地都係輸左。面對著A班咁緊密嘅防守，我靜係入到26分，高佬俊都叫好啲，入到30分。其他人夾埋靜係入左2分…
最後係58比78…我地足足輸左20分…
「Hugo你好叻呀」完左之後，我見到crystal幫hugo一邊抹汗一邊講
見到crystal好似同hugo好開心咁，我個心都定啲…
離總決賽11月27號仲有一個禮拜，係，咁岩果日係我生日..
高佬俊呢一個星期最常掛係口邊嘅一句就係：「屌，捱埋佢啦，生日姐，一年一次咋嘛」
唔知係因為受到佢洗腦，定係人大個左，對生日都失去左一份期待同喜悅；在加上老豆老母唔係到，我已經預測到今年生日會好毒…
呢一個禮拜，我同高佬俊不停唔練，每日5點起身，夜晚翻歸，好似痴左線咁..
終於，到左總決賽日…
可能係因為今年係室內打，再加上我地係F5，總決賽果日吸引到好多人黎睇，連隔離學校果啲都黎左。成個體育館人潮如鯽，而係開波前，我snapchat左Angela，影著逼滿看台嘅觀眾，寫著：「點算呀 好多人好淆呀」
我無啦啦snapchat佢，我自己其實都諗左好耐，同唔同佢講好…
「嘩，要加爆油呀，仲有呀，生日快樂呀」佢覆。
我睇到佢個snap會心微笑左一下，我決定今日一定要贏Hugo
我照舊著左件nike 0 號波衫，著左對lillard 3 ，唔同嘅係，我帶埋lillard嘅手帶，上面寫著never doubt…
Never doubt..
「屌你淆唔淆，仆街，冇啦啦咁多人黎睇」高佬俊冇啦啦同我講
「淆乜春呀，人地英華打精英賽都係咁打啦」其實我好撚淆，不過我冇同高佬俊講…
「嗶」熱完身之後，球證吹左次哨
開始啦…
我企好位，諗著高佬俊開波拍個波黎我到，之後就即刻打快攻。點知Hugo行左過後，同我講：「我今日睇實你」
Wtf?我PG佢SF，河水不犯井水，其實我完全唔明我得罪佢啲咩，點解佢要下下咁針我…
我望一望crystal，佢個樣好似有啲擔心咁，不過我知佢應該唔係擔心我，而係擔心hugo..
「嗶」果然，高佬俊爭到波，個波岩岩好係我面前…
我當然一黎就打個快攻，由後場靠速度帶個波去前場，好彩佢地反應唔切，而Hugo都唔夠我快..
我踏兩步諗著上籃，我見到hugo係後面…佢想好似lebron咁block落黎，當然，我冇咁易比佢block到，我fake一fake佢用右手上，跟著劃一個圓用左手放籃，好似kyrie咁
「嗶」我一野比Hugo撞左落黎，球證吹左個犯規，好彩and 1入埋
成班觀眾係到歡呼…
佢撞到我跌左落地，仆街，都唔知佢係想打波定打人…我眼角唔覺意望到crystal，佢擔心到企左起身..
我諗佢應該係擔心Hugo掛…
我同hugo鬥足兩節，球場上面球迷嘅歡呼聲同籃球擦網聲此起彼落，去到半節，比分係45:42，佢地領先…
半場休息，我地成隊冇出過聲，應該係話攰到出唔到聲…
第三節開始..
我照舊帶波過半場，佢地轉左區域聯防—咁就岩曬我，因為我最擅長係三分波..
我把起拳頭手勢，示意高佬俊幫我做pick，果然，佢地以為我會剷，zip左落高佬俊後面
「嚓」我三分起手，估唔到下半場一入黎就追平
之後進攻模式都係我做主導，run and gun
靜返3分幾鐘果陣，我係0度位起手，咁岩係Hugo防我
仆街，我又點估到佢會攝我腳，好似kawhi同Pachulia咁…
我踩到佢隻腳之後成個訓低左。
高佬俊即刻叫左個暫停。
佢一野拉起左我，跌我去後備席
「屌，我冇野，我可以繼續打」好彩我係細拗，我綁緊左個鞋帶同高佬俊咁講。
「你係咪得架，我唔想你變d rose要坐輪椅」
「我屌你啦」睇黎佢都好放心
呢個時候crystal行左過黎…
「唔好打啦，我..我唔想你有事呀」
Crystal佢講講下冇啦啦喊埋出黎
我用隻手抹走佢塊面啲眼淚
「我會有咩事呀，傻婆」我..我好似當左佢係angela…
之後佢好似喊得仲勁..
我冇理到佢，隻腳話唔痛就假，係痛到hihi呀，我咬著牙關，繼續打落去
有驚無險，完左第三節，65:65..
我見到crystal好似冇乜野咁，都冇特登埋去…
第四節，捱多一節就得…A班班友，啲正選靜係係第一同第四節出，除左hugo，難怪岩岩我地可以追到分..
時間靜返5:43秒，我地落後緊5分，我好辛苦，係一個高強度嘅比賽入面打足四節…但觀眾好似唔識攰咁，愈叫愈大聲…
之後佢地又打翻人釘人，無錯，又係Hugo守我..
到左半場，我開行全速突破，Hugo跟得好實…去到三分線，我一個急促嘅crossover，Hugo跌左落地…我ankle break左佢
班觀眾叫到好大聲，好大聲…之後我再射入左球3分，成班觀眾個氣氛直程係比我推到去頂點，有人仲除埋衫..
75:73
之後Hugo又想射球3分，炒左，又係一個快攻機會..
有兩個人同時夾著我，我拉桿上籃，一落地果陣..
我feel到我個腳踝90度拗彎左，「咔」一聲..
好痛，好撚痛..我痛到好似覺得隻腳已經係唔屬於我…我望到望隻腳，見到足踝有舊野突左出黎，應該係我舊骨..
我成個訓左落地，用手捂著塊面，我喊緊…
高佬俊叫左個暫停..
我發覺，由我訓係地果陣，crystal原來一直捉著我隻左手…仲一直喊一直咁講
「我..我係到..唔洗驚」佢喊到仲勁過我…
之後啲急救人員黎到，我隱約聽到佢地講話咩要call車，應該係好嚴重..
之後我唔知crystal想去邊..我捉著佢隻手..同佢講：「唔好走」
我其實係想搵一個人陪著我去應付依家呢陣痛，我根本唔care果個人係邊個..
「好..好 我呢世都唔走」crystal咁講
高佬俊同成班隊友係我隔離都唔知可以講乜好…
之後停左一陣，我比人擔上左救護車，crystal一直捉著我隻手，直到我上救護車..
黎sir，即係個體育阿sir去到醫院打左電話比我阿哥，同埋我阿哥講返我係咩情況
由於我呢啲唔算急症，比白車送去醫院仲要等..
黎sir同我講：「快啲好返，等你做正選」
操媽b的，我痛到連野都講唔到你同我講呢啲？過左一陣，crystal都黎左，佢買左我最中意食嘅朱古力雪糕..估唔到佢仲記得咁清楚..
醫生話我嚴重拋柴，骨臼移位，同埋斷左一條韌帶。而我嘅生日禮物就係留院一晚...
其實Crystal對我想點...