那年，我在補習社遇上她..: 第九章 出擊

第九章 出擊
 
同傻均鬧完交之後，我自己走左。行去小巴站要過去對面馬路。我插著耳機，聽著歌，係個交通燈前面等過馬路。
 
我見到前面有個好熟悉嘅身影…係佢—泳希。
 
我都唔知啲勇氣係邊到湧出黎，我行上前，除左自己個耳機
 
「點解你咁遲先走嘅」我主動開口問佢，我心諗：「死火，我會唔會太突然呢，佢會唔會覺得我好狗公？」
 




「我…我下一堂黎唔到，岩岩搞調堂所以遲左」佢塊面又紅左起黎.....再一次溶左我個心....
 
死火啦，佢下一堂黎唔到，咁即係我一定要把握依家呢個機會，如果唔係，可能以後都見佢唔到…
 
「係呢…你ig係咩呀…如果你岩岩抄唔切嘅話可以問返我架」我遞左我部手機比佢。
 
佢好似諗都冇諗就係我個ig果到打 winghei_angela
 
原來佢叫angela…
 




「我行呢邊呀，拜拜」佢報以一個甜蜜嘅笑容。
 
我望一望佢個ig: requesting…
 
粗略估計佢都算女神黎…成500幾個followers仲有follow左成千個人…
 
眨下眼，ig果邊由requesting變左做Following… 同時佢request follow我…
 
 
「喂，緊急!!!!我拎到佢ig，我應該做咩好呀!好撚淆呀!!!」我係三人幫到講，希望佢地比下意見。




 
「有咩點姐，睇下佢啲post，如果佢有仔咪算囉，冇嘅話就直接direct佢啦，人地都比埋ig你咯，你仲驚乜春。」仆佳咁同我講。
 
「但係…我真係好驚呀，萬一佢有仔咁點算…」我果陣成個女人咁，因為我真係好驚…
 
「喂，依家叫你睇佢ig同direct佢姐，又唔係叫你同佢即刻表白，你咁驚做乜春呀?同埋，人地就算有仔咁又點，搵過第二個咪得囉。」高佬俊亦都online了。
 
「唉…」我完全唔知覆咩好，我諗著hea覆佢地算。其實我自己都唔知點解我可以同佢面對面傾到計，我依家一諗起佢個樣就會面紅同心跳加速…
 
隔左一陣，仆佳冇啦啦係個gp到講:「唉，你真係女人黎，比你ig pw我，我幫你開個靚頭」我其實真係好感動，佢地雖然成日串9我，但係我每次有野煩果陣佢地都係第一時間出黎…
 
食過飯之後，我一直冇掂過部機，因為，我驚…
 
到左11點幾，我拎翻部機，見到原來仆佳8點鐘就send左個wts黎
 




「搞掂啦，你今次執到啦，佢仲未有仔，做兄弟提多你一次呀，遇到自己中意嘅就去啦，我唔想見到你第時後悔，唔好好似我咁…嗱，我頭就幫你開左，之後就睇你造化」
 
其實我一直都知仆佳點解咁著緊我，因為果時，只要佢主動啲，佢依家就唔係a0…
 
我腦海入面不停泛起仆佳果句:遇到自己中意嘅就去啦，我唔想見到你第時後悔…之後諗都冇諗就撳左入去ig度..
 
右上角有一個紅色圓圈寫著1，我知係佢黎…
 
「hello，記唔記得我呀?😳🙈我係今日補習班入面果個男仔👉👈」仆佳開頭開得好自然..
 
「umm…sorry ar😵唔係幾記得😢..」— 佢係真唔記得，定係唔想同我吹水...

「umm...今日補Ben Chan果個呀🙈🙊🙉，你仲話我個frd手字好難睇🙈」

那兒來的勇氣.....









遇到自己中意嘅就去啦，我唔想見到你第時後悔.....

待續...