那年，我在補習社遇上她..: 第八章 重遇( 2 )
「雕你老味，你係咪on9架，問人叫咩名都唔敢，你之後點溝女呀👏懦夫」
我同仆佳仲有高佬俊係wts不嬲都有個group，叫三人幫，平時都係吹下水，傾下nba咁。我夜晚將今日嘅經歷講左係三人幫到，估唔到仆佳係我一打完就秒回我，我其實都唔記得高佬俊係幾時覆啦，自從佢識左隔離班個班花Kitty之後都冇乜點理過我地。
仆佳講嘅野隻隻字都好似箭咁咁插落我個心到，無錯，我只係一個懦夫，一個無膽鬼…
「大佬，我真係好淆，對著佢成個頭腦好似空白咁，仲點開口問呀?」我同佢地講。
「屌，淆乜春呀，怯你就輸成世。女啫，最多咪食檸檬溝過另外一個。」高佬俊終於開聲，我敢肯定佢之前一定唔會咁講，最多就講「加油啦，唔試過又點知唔得」之類果啲說話。所以，我好肯定佢一定唔靜只識左kitty，可能仲出埋pool。
「大佬，你試下係街上面無啦啦問條友叫咩名先囉，你問一個正常人都淆啦，更何況果個係女神」面對佢地嘅連珠發炮，我就好似一個無力嘅幼獅，嘗試係兩隻雄獅中間嘅空隙逃走。
「屌，講到尾你都係淆，等我同你做下俄羅斯練膽大法啦」仆佳斬釘截鐵咁同我講。
到左第二日，我地約左係樓下m記等，而我心入面一直係到諗緊究竟膽係可以點練。
原來仆佳所謂嘅練膽大法，就係比曬連登同紙言果啲追女post我睇，話咩睇多啲成功嘅追女故事唔多唔少都會幫我打左強心針。
又估佢唔到wo，睇完之後我又真係好似對自己充滿左信心，覺得識女當唔係一件難事。我正諗著胸有成竹咁過多5日之後就問補習社個女仔，頂佢個肺，天文台竟然話呢一個禮拜會打風。
無錯，最後補習社send左個sms黎，話打風果堂會順延一個禮拜，連堂上，即係一日要上曬兩堂。
我其實又驚又喜，喜係因為我可以對著佢耐啲，而驚就係我驚佢會調堂唔上。我其實臨訓果陣都不停loop緊連登啲愛情故，幫自己壯一壯膽。
「司機，火炭站有落，唔該!」
平時其實我都係答開mtr，因為起碼每次有傻均陪下，個心都定啲。今日專登搭小巴，其實係想等自己係車上面聽下歌，重新loop下連登果啲故，等自己靜下。
一直沿著個路口行，行左5分鐘就到。由於我今日又係早左到，所以係課室入面自己調整下心情。
冇幾耐傻均都到左，佢係差唔多遲到先到，但係到左呢個時候，我仲未見到佢….
其實本身見已經咁遲，我都已經冇抱任何希望…..都係專心上堂算。可能個天比左太多次機會我，我都唔識得珍惜….
「咔嚓」…有人開左門…
係佢，今日唔知點解得佢一個。
我望一望自己隻g shock，5:17，佢遲左20分鐘。我知個天比緊機會我，我唔可以再令呢個機會白白係我手上面溜走…
佢，都係好似之前咁靚，一樣咁能觸動到我個心。
佢應該係跑過黎，所以啲頭髮亂曬，而且，佢塊面已經唔似以前咁白晢，反而係泛起微紅嘅顏色。
佢已經唔止觸動到我個心，甚至係震撼左我個心弦。
唔知係咪之前已經見過佢兩次，今次見到佢雖然啲生理反應冇咁嚴重，即係塊面冇咁紅，隻手冇咁震，但係普通耳紅同出手汗都仲係存在的。
佢一如既往，坐左係我同傻均前面…我情不自禁泛起左笑容，因為我知道我可以趁陣間連堂個break比佢睇翻佢miss過嘅野…
「好啦…..有問題出黎問我，冇問題嘅話下堂見」終於上完一堂，陣間仲要上多一堂…其實平時我係學校上10分鐘堂已經倒頭大訓，更加唔洗講要上兩堂個半鐘，即係夾埋3個鐘嘅補習班。
但係唔知係咪因為對著佢，我今日竟然愈上愈精神，完全無想訓嘅感覺。
.
.
.
「唔..唔該，我想問下你..你地有冇一開頭果啲notes…」
係佢….佢把聲雖然好緊張，我諗同我嘅緊張程度差不多，雖然佢把聲係震緊，但係我聽到佢把聲溫柔到根本同天使冇分別，加上第一次同佢有眼神接觸，我feel到我d臀上腺素仲急升得快過玩過山車。
「有…有呀….你要第..第幾張，呀唔係…第…第幾頁呀」
明明我平時係學校好多野講，但唯獨係我第一眼望到你果刻，我就變到語無倫次...
「我有呀，你拎去呀!」我屌你老母! On9傻均!斷9我米路!我心入面係咁鬧，我果陣仲嬲過KD轉去勇士隊!!!!!
「好呀…唔該你呀…」佢把聲，都係咁動人…
我果刻即刻訓左係張枱到，我覺得人生完全冇希望…
正當我訓低一直係心入面屌撚柒傻均果陣，有人用手指篤左我隻手臂一下…..
「咪搞啦」我果陣以為係傻均，一手撥開左。點知當我起翻身果陣…
仆街啦!!!!!!!!!!!!!!
原來我一手撥開嘅唔係傻均，而係女神!!!!!!
「我係咪左著你呀，唔好意思呀」點解明明唔係佢做錯，佢都可以咁有禮貌，佢直程係溶左我個心…
我果陣feel到我塊面係熱到可以煎熟一隻蛋，仲要係唔洗30秒就可以熟曬。
「唔係呀….我以為係我個frd,,,,掂我,,所以先咁….」仆你個街，呢個時候比我睇到on9傻均係到偷笑!!我冚你個家鏟，我冇講「條契弟」講「我個frd」已經好比面你，你依家仲要係到笑?????
「哦…我…我想抄翻第3版…到第5版呀…因為..我唔係…唔係幾睇得
明你個frd d字..」佢笑著尷尬咁講。
佢笑果下簡直係天使下凡!!!!!!點解可以咁靚!!!!
「哦….好呀…」咁我二話不說就比左我自己份野佢。
我望著傻均，擺出一個勝利嘅姿勢。
佢用佢部iphone影完之後，將本野比翻我。
就係佢比翻我果刻….
「係wo…你..你叫咩名呀?」我其實已經用盡我畢生嘅勇氣去吐出呢翻說話…..
「我叫吳泳希呀，你呢…」佢一開頭聽到我咁問好似嚇左一跳咁，之後佢紅著面咁答我答到好細聲。
「我叫陳逸希呀…」之後果一堂，我真係無心再上堂，我個心，一早飛左去佢到…我扥著頭望著佢背影，咁就過左一堂….
之後落堂其實我想同泳希一齊行，起碼借d意拎佢電話先。
仆你個街，又係個on9傻均，佢一落堂就拉著我出去，連比我停落黎同泳希講拜拜嘅機會都冇。佢拉著我去隔離間日本城，而我嘅怒火亦都忍唔住….
「喂，其實你想點姐，你又唔係唔知我中意佢，做乜尻要同我爭呀?你以前冇frd陪果陣邊撚個陪你呀?我呀!我唔該你改下你on9性格啦，食花生好撚過癮呀?冇人同你做frd其實真係抵撚你死。」其實依家諗翻起都覺得好幼稚，當時其實都冇得話爭唔爭….更何況原來傻均都唔係咁嘅意思…
「原來你係咁諗我….你仲記唔記得crystal…」
「我屌你又提黎做乜..」
「一睇都知果個吳泳希係收開兵果類黎，我唔想你再比班女hurt多次呀，問心果句，你又唔係靚仔，又唔係高，屋企又唔係有錢，讀書讀到成pat屎咁，你何德何能同人爭女神呀?我驚你比人玩咋，傻仔」估唔到…平時onon99嘅傻均會咁清醒…
「屌你講撚完未呀，條路我自己揀，關你撚事呀?」我一手推開傻均，自己行過去小巴站….
條路我自己揀...
待續....