我係喜達,撈麵界既亞視: 黑林頓與黃俊篇(4)

『仆街喇..』

『屌買升佢就跌,買跌佢就升』

do...

『喂經紀陳,同我買多五百萬沽』

『俊哥你呢幾日輸左三千幾個喇喎』





『你咪撚理我啦,同我買啦』

『知道知道』

一小時後,成部電腦比人車左埋牆

『喂龍哥呀?小黃呀..對..想問下你,你有熟識的地下錢庄嗎?』








有日夜晚黃俊同黑仔係公司做完野之後

黃俊向黑仔講,佢短時間內唔想掂貨運公司

黃俊表達左佢識左班大戶做電話

表示人各有志

黑仔亦都留佢唔住





黃俊同黑仔借一千萬

黑仔馬上寫支票

其實黑仔可以動用到既資金都係大約二千多萬

借左一千萬比黃俊

其實都係得返幾百萬

但好兄弟想獨立搞生意,黑仔諗唔到唔借既理由

黑仔好擔心黃俊,上網睇過,知道左上面收機既價錢一次比一次低





黑仔知道係因為有最近有好多大戶都有走私iphone

黑仔約左黃俊出黎食車仔麵

『呀俊呀,我同你留意過,大陸既電話市場最近好多競爭』

『唔怕既,我主要係同d庄家直接交收』

『俊,個市場就好似我地坐緊呢張枱咁,當初只有我地兩個,當然坐得舒服,但係當張枱坐多兩個,三個,四個人既時候,就唔會咁舒服架喇』

黑仔語重心長

『我明白,食野啦』

係三日後,黑仔收到黃俊電話





『黑仔呀?』

『呀俊,點呀』

『黑仔,幫我一次』

『乜講到個幫字呀,有咩事就講啦』

『我需要五千部iphone』

『五..五千部?!』

『係..我呢家返唔到香港,呢個係一個千載難逢既機會,過關既野我搞掂晒架喇,香港交機比你既人我都安排好架喇,只係需要你幫我出住錢先』





『咁..咁要幾錢呀?』

『三千萬,你放心,一上到來就會比返你,信我,黑仔』

『幾耐時間要?』

『最多三日』

信我呢兩個字,就咁睇好似好普通

信我對黑仔來講,好重要

起碼

黃俊從來呃過黑仔





黑仔戶口有一千萬可動用資金,有一千五萬係公司既資金,都係有二千五百萬

黑仔仲需要五百萬

畢架山既單位,再次比黑仔按左

第三日黑仔將錢準備好,去到旺角某商場交錢比人

職員將機排好左係貨櫃車

黑仔就往大陸出發

『呀俊,我黎緊架喇,你無事呀麻?』

『無,黑仔你記住喎,行一號通道,一定要行一號』

『哦,知道啦,咁唔講住啦』

『咪住..黑仔呀..我想問下你..咁多年你有無做過一樣對我唔住既事』

『下..你無啦啦咁問既,應該就無喇』

『嘿,咁真係整定我欠你一世』

『呀俊你唔好咁講啦,做兄弟邊有話欠唔欠架』

『..』

收左線

黑仔過左香港關之後,依住黃俊既指示行一號通道

海關過來收取左黑仔既証件之後

好耐都未返來

突然間有十幾個持槍既海關指住坐係駕駛座既黑仔

『手放在頭上!,慢慢下車』

『快點!手放在頭上,不要亂動!』

黑仔知道出事啦

黑仔係膽心黃俊

『呀俊仲等緊我架,點算呀』

黑仔比海關帶走左








『黑仔其實你講得岩,呢張枱,我一個人坐就已經夠』

『這些貨都是你的嗎』

『是』

『你知道罪名是甚麼嗎?』

『不知道』

『罪名就是我可以讓你一輩子都困在裡面』

黑仔心諗奇怪啦,明明黃俊話搭通晒,點解會比人拉

黃俊等緊我,我要出去

『我再問你一次,這貨是你的嗎?』

『是』

海關拎支警棍出黎,一野扑落黑仔個背脊到,黑仔慘叫一聲

就好似死魚咁係地下典下典下

『我再問你一次,這些貨是你的嗎?』

『是』

『其實你只要跟我說,這些貨不是你的,你只是司機,或許,我會放你走』

『這些貨和車,都是我的!』

黑仔唔可以失去呢批貨,黑仔等緊一個奇積,就係黃俊會黎救佢

無左呢批貨,會無左公司,伙計會無飯開,黃俊會出事

但係黃俊呢?黃俊去左邊

其實黃俊都係呢到,只係佢係上面果層

同海關既高層,領導飲酒作樂緊

『小黃呀我問你呀,你把你的兄弟擺上真的沒問題嗎?』

『這樣說吧,他跟領導你相比,我跟領導你才是兄弟』

哈哈哈

哈哈哈

『我問你最後一次,貨是你的嗎?』

『是我的!!!』

黑仔比人反手扣住係椅背

海關不停咁打黑仔心口,背脊

黑仔首先係流鼻血,然後嘴角開始流血

『俊,快d黎救我,我好痛呀』

黃俊同領導係關員休息室到飲緊紅酒

『我看你可以口硬到甚麼時候』

『拿鉗子給我』

海關用個鉗鉗實黑仔既手指尾

『我問你,這些貨是你的嗎?』

俊,你係邊呀?

我頂唔順啦,黑仔頂唔順啦

以前係學校比人打,你係第一個衝出黎救我架

俊,救我呀

同一時間既黃俊係捉左一個妓女入廁所

『我問你呀』

『是我的!!』

黑仔既手指尾比人監生屈左去後面

『呀!!!!!!!!!!!!!!!!!!!!!!!!!!!!!!!!!!!!!!!!!!!!!』

黑仔既眼淚好似缺堤咁,淚水用血溝埋,在場既海關都再望唔清黑仔個樣

根本係一個血人

『年輕人,別要身體受不必要的傷害喔』

『俊,我可能以後都見你唔到,但黑仔應承你既野,黑仔做到,黑仔帶左黎喇』

黑仔開始失去知覺

而黃俊就係廁所到狂推緊個妓女

『是你的嗎』

『殺你就殺啦屌你老母』

黑仔無名指亦都同尾指亦都同一命運

黑仔已經痛到出唔到聲,但係淚線好似壞左咁

不停咁流淚

黑仔想念黃俊,怕以後都見唔到佢地

黃俊完事了,好滿足咁拖住妓女返出去

『屌,洗唔洗搞咁耐呀』

黃俊望一望手錶,睇黎唔係清楚下面既情況

『年輕人,我敬佩你,但是上司的命司我還是要服從』

在場既海關,都多都唔忍心望落去

到中指了

『年輕人,我也不忍心了,當我求你了,你放棄這批電話吧』

『...呀..嘿..』

海關咬緊牙關,準備用力一屈

黑仔想起父母

想起黃俊

黑仔唔怕死,只怕再見唔到你地

『別..我認了..我...只是司..機..貨...不...是..我的』

『很好,打指纹,然後送他去醫院』


『領導,辦好了』

『幹麻要搞這麼久』

『那個小伙子可算是個硬漢,到第三根手指才認』

『這麼厲害?哈哈』

聽到呢到,黃俊好似觸電咁,成個人企左係到唔識郁咁

『好了好了,大伙們,我們乾一杯』領導舉起酒杯說

『..好..好.乾杯』

黃俊渣住酒杯,行出走廊望出窗外

眼淚流過不停







我欠你一世


黑仔入住左一間私家醫院

黑仔係第三日醒返

黑仔望一望自己既左手

不是夢

真係斷左

黑仔摸一摸

應該已經接搏返

黑仔按一按鐘

『哎太好了,黑先生你醒來了,我去叫醫生』

『..今天幾號呀?』

『廿十三號呀黑先生你昏迷兩天了啦』

『仆街啦..姑娘比部電話你』

『先等醫生過來檢查之後,我再推你去打電話喔,先等一下』

『等你老母咩,行啦』


『你所撥把的電話..』

黑仔打左十幾次都係唔通

死啦,仆街啦,呀俊唔通出左事

黑仔好擔心,每半個鐘就要打電話,每次都要打十幾廿次

最後姑娘索性比左自己部電話黑仔用

今夜黑仔失眠,係到諗失去左呢批貨,呀俊一定好嬲

點先可以令呀俊原諒我呢

係醫院既第四天

有一個人黎左探黑仔

係當日有份係現在,但無對黑仔落過手,由頭到尾都企係最後既關員

『你好,我是林肯』

『林肯..我認得你』

『哈..對..我沒再當海關了』

『為甚麼?』

『我看到他們毒打你的場面,我覺得他們是個人渣,我不想跟人渣共事』

『哈...你很有原則』

『依我看..你也是』

其實當日發生既事,林肯都好清楚,但林肯唔係好清楚黑仔同黃俊既關係

只係知道黑仔當日比人毒打時,不停咁叫住俊呢個人,同埋林肯每次黎醫院探黑仔,黑仔都會托林肯幫佢搵黃俊,同埋借個電話比黑仔打

林肯其實知道當日係黃俊主使呢件事

慢慢係同黑仔傾計,知道左黃俊係黑仔心目中係點既人,有幾重要,但係就對被人出賣呢件事係唔知情

看來,黃俊打算瞞黑仔一世

林肯都打算咁做





『老天爺呀,就當可憐一下這個小伙子,能瞞一輩子就瞞一輩子啦』


黑仔話,林肯既身型,樣貌同胡軍有九成似

跟住落黎,大家係腦入要面大可以幻想林肯就係胡軍

『從前家窮,讀書是唯一的出路』林肯著住筆直的西裝第九次探黑仔,坐係床邊翘住二郎腿,切緊蘋果

『從小就知道要競爭才會有出路』

『小時候家沒錢,我有六個兄弟姐妹,爸沒錢給所有孩子的學費,只能挑兩個去讀書,其他的就幫爸爸耕田』

『我好想讀書,好想認識一下這個世界,我努力在爸爸面前表現,當一個乖孩子』

『最後好幸運,我和最細既妹妹可以去讀書』

林肯切左蘋果半個比黑仔食

黑仔放低支煙

食蘋果

下醫院食煙?

屌

私家醫院咯都話,大陸你有錢

食人都無人理你啦

『讀小學的時候,沒單車,每天三點多就要起床,拖著妹妹行三個小時上學』

『我們在學小學都要競爭,一定要當第一,當第一會有獎學金五百塊,爸爸沒有給壓力我我們,只是告訴只要盡力就可以』

『哈..結果我同妹妹就包辨了三年低年級和高年級的獎學金』

『對啦..小黑你讀書還可以嗎?』

『哈...不太可以』

『但我看你談吐就知道你讀過書

到左六年級就要考升中試,我一定要進得到城內第一的中學

最後我就成功考進了這間中學

到了中學,我發現自己不再是第一,讀書好的大有人在,我要更加努力

最後我考進了一間更好高中,之後聯招考試過後,考進了北京一間很好的大學

其實從小每次放假回家,全家人都會拉住我,問我外面的世界如何的

我都會告訴他們,書本上說,我們的國家很強大,黨是如何在保護我們,我們的國家很和諧

但當我進了大學後

認識了不少外國內的同學,你們香港的也認識不少

大家言談之間知道原來一直以來,老師跟我們說的,書本上說的,都有另外一個版本

六四事件,一件這麼大事情,我二十一歲才知道!

我知道了國家做了很多可恥的事情,我有想過跟師兄師姐一起去搞運動,但是我知道還有一個家在等我

我沒膽去做

畢業後我馬上去考海關,亦成功考進去,我也覺得自己有點是平步青雲

到了海關裡面,我才知道是甚麼的一回事

貪污,打人,將搜出的毒品私下進行交易,官商勾結

但是我恨我自己沒能力改變,所以每次他們犯罪的時候,我都不會參與

直到你出事那天,我實在忍不住了,我不能再當這種人渣的同謀

我最近看了一部電影,有一句對白我好喜歡,為了生活我可以忍,但是殘虐我們中國同胞就不可以!』


黑仔係醫院既最後一晚

林肯扶住住黑仔去左酒樓食飯

『林肯你真幾夠老友,搵返呀俊之後一定要介紹你識』

『..不用了』

『點解呀』

『俊..我問你喔..如果你知道你一直最相信的人原來是最不可信的,你會如何』

『..唔明喎』

林肯飲左四支大啤,忍唔住同黑仔講左自己所知既所有事

途中黑仔首先係唔信

講講下黑仔就無出聲,一路都無出聲

黑仔所有野都知道晒

黑仔返到酒店

用左手寫左一封信

第二日到左黑仔既出院時間

林肯來到接佢

但係黑仔提早左一個鐘就走左

留低既只有一封信

致黃俊

黑仔知道林肯會幫佢拎比黃俊


黑仔返去廣州公司

發現左好多唔識既人圍住自己間公司

『你是黑林頓嗎?』

『是』

『我跟你說呀,這間公司的老闆黃俊以公司名義在我這裡借了兩千萬,他失蹤了,現在由我來接收』

黑仔很冷靜,清楚睇清對方既文件

對,黃俊真係把公司賣了,

也賣了黑仔

黑仔需要冷靜,黑仔約好一班伙計

講出公司既情況,亦承諾會盡快出糧

一班伙計都好信黑仔,亦表示會同公司共同進退



『多謝..不過以後都唔再會有公司』