[校園][愛情]《個女仔衝咗出馬路然後俾我救番》: 「後記」
後記
個故仔終於都寫完，嚟到呢度，我想多謝一班人，首先係多謝咁多位巴絲打，肯睇我個故仔，冇你哋我真係冇動力寫落去。
之後我想多謝我身邊嘅朋友，因為當初我寫故，都係猶豫不決，多得佢哋嘅支持，我先寫到咁多版紙
同埋要多謝現實中嘅浩峰，佢可以話係我小學到依家，陪伴咗我咁耐嘅兄弟，好多時我迷惘緊嗰陣，都係佢開解我，我真係好多謝佢
最後，有一個人，我唔知可以用咩嚟形容我對佢嘅感覺，呢個故事其實係我同佢嘅回憶備份，亦都係我希望同佢嘅日常，但可惜，現實偏偏同夢境相反，喺2017年12月24日我同咗佢表白，最終都係失敗，我而家同佢嘅關係，已經唔再好似以前咁，我同佢都變得好尷尬。如果可以，我希望可以返到去暑假嘅時候。因為嗰個時候，係我同佢，最要好嘅時光，希望睇到呢度嘅你哋，可以知道，有嘢想做就去做啦，唔好俾自己嘅青春留低任何遺憾
咁多位巴絲打，真係多謝你哋，小弟要走啦，真係要走喇，說再見了吧