[校園][愛情]《個女仔衝咗出馬路然後俾我救番》: 「最終章」

第二十四章(最終章)



我同紫晴話別之後，我就拿拿臨向住頭先蒨頤離開嘅方向前進。

首先我去咗海濱，然後向住新港城嘅方向尋找佢嘅身影

「攞命咩一朝早就要係咁跑」悔氣說話講完，我就上咗去商場搵佢





行完幾個商場，發現都係冇

已經成個鐘......究竟佢去咗邊？

呢個時候我完全唔知搵邊個幫手好，我第一時間淨係諗到一個人，嗰個人就係我吖妹

話都未講完我就打咗畀我吖妹

「阿怡！蒨...蒨頤唔知去咗邊？！」我緊張到口齒不清





「......阿哥，頭先佢打咗畀我，同我講咗好多嘢」吖妹冷靜咁講

「咁你知唔知佢係邊？」

「我知佢喺邊，但我唔會同你講，但係我可以畀提示你」我吖妹keep住講

「好」

「你諗下，你同佢一齊咁耐，喺馬鞍山入面，邊度最有回憶？」
「唔包保你搵到佢之後，你可以氹返佢架」吖妹講完





「好，唔該曬你」我一路諗一路講

「阿哥」

「嗯？」

「加油！」

我想回應佢嗰陣，佢已經cut咗線

衰妹吖......

但係諗深一層，我同佢好多地方都好有回憶喎





馬鞍山公園？烏溪沙石灘？定係樓下間譚仔？？

講多無謂，做就最實際，逐個逐個地方搵

————————————————

時間已經踏入夜晚，我依然搵唔到蒨頤，正當我一直諗緊佢究竟去咗邊，不經不覺間，開始無視周遭嘅環境，我心情慢慢低落，開始內疚自己當初，點解要玩火，呢一場火，已經燒到我身邊咩都冇曬......

我腦裏面不停徘徊一啲負面嘅諗法，呢個感覺令到我連自己做緊乜都唔知， 諗下諗下，我自己慢慢步向一個紅燈嘅馬路。
就係呢個時候......
「必！必必！」
呢一剎那，一個男仔拉返我入嚟

「睇住啦，車死咗你，個司機好麻煩」個男仔望住我講





...？......！
係喎！當初我認識佢嗰陣，佢都係衝出馬路！
「唔該曬你！」我講完之後連忙跑返去當初嗰條馬路口

跑嘅途中，我不禁想起我同佢嘅回憶片段，諗返起當初，真係有啲感動，唔知點解，我啲眼淚自己咁流落嚟，可能係我唔想就咁失去咗佢，但係我知道，我唔可以再畀一個咁愛我嘅人，再次因為我而受傷！

去到路口我見到熟悉嘅身影，我諗都冇諗就嗌咗出嚟
「劉蒨頤！」

然後我跑咗過去攬住佢
「Sorry啊，唔好唔理我啦」

我以為事情會好轉，可以如我所料咁，同佢和好

點知會變成咁...






「你同我放手。」蒨頤呢下嚇親我

「做咩啊...？」我不忘問佢

「你知唔知自己做緊乜？」佢啤住我，仲要啤到好恨

「我唔想同你分手啊......」我好驚

「咁點解你當初要呃我？」佢咁樣問我，我真係唔識答

「因為...我唔想你擔心」

「所以就要呃我？你知唔知我幾擔心你呀...？」講下講下佢隻眼慢慢漸紅





搞到我都開始有啲想喊......

「對唔住呀...真係對唔住呀......」我好內疚，開始唔敢面對佢

「夠喇唔好再講喇。」佢突然間背住我

「下...你唔好離開我呀...我唔想失去一個同我充滿回憶嘅人」個心越嚟越痛

「若晞言，係呢一刻開始，我會合埋眼十秒，我命令你，喺呢十秒入面， 你要做你應該做嘅嘢」呢句嘢雖然好惡，但係佢講出嚟令我覺得好有使命感

「我而家數十聲」

「十」

「九」

「八」

「七」

「六」

「五」

「四」

「三」

「二」

我默默咁行埋佢身邊攬住佢，然後錫咗佢一啖

「一」

「時間到」佢用佢沙啞嘅聲線嚟講
「多謝你...」佢突然間喊

「傻豬...對唔住呀」我都開始湧上嚟

「夠啦，我已經原諒咗你，我唔準你再講呢三個字」佢用佢食指撳住我嘴唇
「衰人！蛋糕呢？」

「係喎......」

「知唔知我坐喺度等你等幾耐？」佢打咗個粉拳過嚟

「錫番啦，屋企應該仲有材料嘅~」

「好啦今次就放過你啦！」佢終於笑番咁講

最後我哋手拖手一齊返咗屋企......<3







~~~~~全劇終~~~~~