他跟她的一場風花雪月事: 後記
呢篇風花雪月故，寫咗成8萬幾字，同12年篇八九六四差唔多咁長。我諗呢篇故仔算係我咁多篇寫得最悶，一寫長篇故事就控制唔到節奏。之前八九六四就支節人物太多，睇到人好辛苦。而呢篇就節奏慢過籠，應該有唔少人因為開頭chapter 1嚇走哂。
呢篇故仔結構我稍為整得工整啲，男女主第一身視點不斷變換，係有少少參考劉以鬯對倒。另外，我好似無乜點寫過愛情故，今次就試吓寫愛情故事。點知一寫男女主角拍拖，就大鑊啦。有人同我講拍拖嗰段悶到癡線，皆因我無經驗。
未寫呢篇故之前，我猶疑緊好唔好去寫愛情故，但最後又諗住挑戰吓自己就去寫。寫吓寫吓，覺得自己越嚟越唔掂，有巴打應該睇到後面chapter越寫越頹，文筆前後不一。睇嚟我技不如人，原來呢篇之後寫不一樣憶記後傳，係男主同阿美的戀愛故事。照咁睇，今次可以唔駛寫住，驚會寫到好悶。
寫咗篇悶嘢出嚟，我都唔敢叫巴打去like我的FB page。下次會寫乜？我仲諗緊，同埋下星期我會唔喺香港，新故應該最快八月先貼出嚟。
就係咁，有緣再見。