《亡命者》「選擇」「領袖」: 第二十二章 強者邊緣

『惡鬼級戰力鄭家榮請到教官辦公室見陳曉輝教官』廣播器傳出一把聲音説

我食著飯説：『係都要食飯先嚟搵我』

我放下飯碟，飲埋杯水，對身邊的樂兒説聲就離開。

「又要搞咩呀？」我一邊行一邊諗

走到陳曉輝的門前，我敲門。





「噠-噠」

『入嚟』門內傳出陳曉輝的聲音

我開門進入，看見陳曉輝坐在中間，我走到枱前，敬禮。

陳曉輝舉起右手示意我放手。

我稍息姿勢，等待陳曉輝説話。





『惡鬼級戰力鄭家榮，宜家有任務要比你』

我立正説：『Yes sir』

『任務地點係上水官坐中學，你以前嘅中學』

我錯愕地看著陳曉輝，而佢仿佛意料之內。

『任務內容係清除校內所有綠魔，確認校內安全同埋檢查有無人生環』





『Yes sir』

『武器你自己揀，隊員最多比你帶兩個，你架本田125cc朱達明已經派人送左過嚟，宜家係車庫』

『我架愛匹無事呀！！！』

陳曉輝冷靜説：『冷靜啲，死返出去着好裝備準備任務』

我立正説：『Yes Sir！』

我説完轉身離開，一行出門口後，突然有頭拳向我擊來，我蹲下後退，誰不知我忘記左後面係牆壁， 連忙把頭向左避開要害，拳頭打向牆，發出巨大的聲響令我右邊耳膜生痛，而我的頸被人用軍刀架住，我用右手捉實他的手臂，我抬頭一望，原來是一個軍人。

這名軍人身高目測一米八，尖瘦的臉加上陸軍裝令佢多一分霸氣，眼神中有一股微薄的殺氣，重點係佢行路無聲。

軍人問：『你就係鄭家榮？』





我回答説：『係』

『啲同伴講到你係咩最強新兵咁，睇黎都只不過係一個謠言』這名軍人説

『你確定？，睇下你右手邊』

軍人睇向右邊，發現我左手一直用支左輪指住他。

『我係目前為止可以持有警槍的新兵，呢個情報都唔知睇黎你嘅情報網有待改善』

軍人問：『你支槍幾時係到？』

『蹲下個陣已經右手轉左手拎住左，你一打中牆我支槍已經瞄准好你』





軍人點頭說：『唔錯唔錯』

『我叫葉健豪，係你今次任務嘅指導軍人，你可以叫我健豪』他一邊説一邊收起刀。

『ok…』我回答同收起手槍

我唔太想有人係隔離阻住曬。

『我帶你去武器庫，跟我嚟』

健豪説完就自己行過去，我只好無奈地跟著他。

走到平時借槍的地方，唔同的是今次唔再係門口借槍，而係直接行入去自己揀槍嚟用。

隊員方面我無諗住帶，因為帶多兩個其實都係要我救多兩個。





同時我要負責呢兩個人的生命，相反，我一個人生就生，死就死，唔需要對任何人負責。

一個人就可以令一個團隊安全，呢個就係我不斷變強嘅理由

武器方面我拎左個可以裝到四支格洛克18手槍的手槍套(左右胳肋底同左右腰)，條腰後面又裝兩把長槍管左輪，右邊肩頭背一把直軍刀以防萬一

格洛克18的彈夾容量係一把十九發，四把合共七十六發另外我加多四個彈夾做後備。

兩把長管左輪每把六發合共十二發，今次我沒有子彈更換，因為換彈真係好浪費時間。

最後帶埋弗蘭基SPAS-12戰鬥霰彈槍，九發子彈令自己係狹窄空間有優勢。

我着好裝備，睇一睇旁邊的健豪，他媽的一把格洛克手槍連兩個彈夾加多把軍刀。





我平時打Wargame都四個彈夾啦。

我忍唔住問：『咁少裝備你夠抽咩？』

他拿出一堆飛刀，比左兩把我。

『我平時做任務暗殺多，手槍只係後備』佢整理飛刀説

我拿著跟我平時練習一樣的飛刀，不同的是健豪兄的飛刀比較重同鋒利得多。

我看著他徹底無言，你點估到原來中國軍人係有料到，又打得又飛得。

不過飛刀都幾難學，呢幾日練極都練唔到單手出三把飛刀，睇黎有機會可以請教下呢個暗殺大師。

我們二人都換好裝備準備出發，我突然醒起。

『健豪哥你有電單車咩？』

佢拎起旁邊的電單車頭盔，説：『有軍用電單車』

『ok………』

我們二人各自騎上電單車，向我以前的母校出發。




站在遠處的飛宏和Kinglam看着騎電單車的鄭家榮離去，飛宏不禁用拳頭大力打地。

飛宏不甘心地説：『鄭家榮條契弟又扔低我哋自己走去做任務！』

Kinglam看着遙遠的他，內心怨恨自己並沒有足夠的力量。

Kinglam握緊拳頭説：『無時間怨天怨地，我地要練到自己嘅強項係最出色，到時要鄭家榮求我地一齊去做任務』

飛宏聽見後握緊拳頭，頭望向天。

『你講得啱，我哋宜家去練習！』

『好！』

二人説完開始進行艱苦的訓練，發誓要變得更強，唔要再比鄭家榮一個保護所有人。

二人的心景開始改變，開始踏入強者的邊緣