《亡命者》「選擇」「領袖」: 第十二章 訓練篇 ( 2 )

『你條廢柴叫咩名？！』

『黃冠行！』佢立正講

『你咩區嚟？！』

『粉嶺區！』

『呢個星期你係到做也嘢？！』





『係倖存區温書！』

『操去最後第二排等死啦，垃圾』

『yes sir！』

『你又叫咩名呀垃圾！』

『鐘婉瑩！粉嶺區！』





『呢個星期你又做也嘢？！』

『陪男朋友！』

虧你答得出，我忍笑忍得好辛苦。

『原來係咁』教官出奇地冷靜

『操去最後一排陪你男朋友等死啦廢柴！』





『yes sir！』

之後的一小時，都係陳曉輝係到鬧人，我實在估唔到點解一個人可以咁有創意到連續鬧人一個鐘都無也重複的地步，唔少人要自認係廢柴，白痴甚至蝗蟲都有，大部分人都企去最後個幾排，除咗兔仔一個被人問完無事重企係原地，其他女仔都係個到。

我地幾個男仔一早就細細聲夾好左話自己係倖存區防守，之後被陳曉輝叫到最頭個幾排。

陳曉輝走到我面前

『你叫咩名？』出奇地佢無咁大聲

『鄭家榮，sir』我立正回應

『呢個星期你係到做咩？』

『倖存區做警察防守』





『咁多人係倖存區防守？』

『之前有怪物襲擊倖存區』

『我知，因為朱達明同我講左』

佢拎起手上的檔案。

『操去第一排，A級新兵』

『yes sir』

而陳曉輝都叫埋肥巫，飛宏，kinglam係第二排，搞到好似我跟班。





陳曉輝行到台上，令我同台之間的距離好近，最遠又係最後一排幾乎企滿左人，我理解到點解佢會咁做。

用排位嘅方式好似排名咁，令最後一排嘅人知道自己實力嘅不足，拼命訓練，又令我地企前面嘅有壓力唔可以被後面嘅人追上，都要加强訓練，又叫一啲有潛質嘅新兵係中間，激發佢地嘅鬥志，呢個心理戰術高明，高明。

『呢到有三百六十個新兵，有幾乎一半嘅人都係垃圾，另外一半嘅人都有機會係戰場上生存，重有十個可以成為優秀嘅士兵，你地睇住前面嘅第一排！』

第一排除咗我之外，重有九個新兵企喺度，有一個係女仔，其他都係男仔。

『拼命變強啦，你地嘅實力唔只係咁差，係訓練入面認識真正嘅自己，拎起你嘅武器反抗到底！』

『yes sir！』三百六十名新兵同時大聲回應

我地呢三批人都分別去全面測試能力，射擊，移動能力，反應，近身格鬥，搏擊，體能。

不少人都未開過真槍，差啲走火唔再講，有條友重要拎住枝槍轉身問我哋點開槍，嚇到我地半蹲驚走火。





移動能力測試重差，個個平時唔做運動，雞手鴨腳，有個戴眼鏡嘅唔小心跌落泥灘到，走落去搵眼鏡。

反應測試，近身格鬥，搏擊，體能測試我都已經無眼睇，幾乎處於差到核爆嘅階段，我就睇下陳曉輝點教呢班新兵。

陳曉輝似乎係意料之內，對身邊的軍人耳中講左幾句話然後行開左。

成個早上就被班人渣挽殘，原來禮堂後面重有一個飯堂係到，足夠容納四百幾人，一張張可以坐到十二人嘅枱滿佈飯堂，班軍人批准我地可以打散坐，但係下午嘅訓練就要分開。

樂兒理所當然坐係我隔離，我地十三人坐係同一張枱食飯，食嘅係咖哩飯加多碟鹵水雞翼，啲咖哩我重要食得出係759咖哩包個種，但今朝開始就無停過測試，我都懶得去理會好唔好食。

我睇一睇樂兒，佢低頭食住碟咖哩飯，睇唔出樂兒細細粒原來咁食得，其他人都係低頭食飯，連平時食兩啖就話飽嘅心姐同南南都係咁食，馬嬲同詩詩終於唔祈禱就開餐。

食食下有人拍我膊頭，我轉頭一望，見到昔日係少年軍成日話要超越我嘅同期生。





『hey，鄭家榮』有一道男聲説

『hi，哥斯拉』我食住鹵水雞翼説

哥斯拉，17歲，身高一米五八，戴眼鏡，宅男樣，以前就係少年軍一啲領袖營到識，成日都企出嚟帶領，但無奈佢真係太矮，聽到佢把聲都睇唔到佢個樣。

『食埋隻雞翼先講啦家榮哥』又多個人講

『得啦Jason』

Jason，17歲，身高一米八，都係戴眼鏡，光頭，同我地同期，讀書係達到屈機嘅階段，IT都係，當時好多活動都係靠佢嘅IT知識一手包辦，同哥斯拉一個分隊，所以兩個一齊出現都不足為奇。

『你地都無事實在太好』madam poon説

『我地無咁容易死嘅』哥斯拉説

『我地殺左四隻怪物先去到倖存區，陳曉輝重話會安排我地升上騎士級戰力』

『騎士級戰力？』我地R曬頭問

『你地有排都未殺到怪物可以升軍階，唔洗知住啦』哥斯拉以囂張嘅口氣對我們説

『鄭家榮新兵請到操場接受惡鬼級戰力測試』

一把聲音由廣播器中傳出。

『惡鬼級戰力！，你殺左幾多隻怪物呀？』

『五十隻到啦』

『五十隻？！，難怪企第一排啦』

隔離枱嘅人聽到都好似見到怪物咁。

『佢殺左五十個人啦』『宜家都殺咁多人，訓練完重得了嘅』『宜家啲學生真係痴線』『好驚同佢同隊囉』

我沒有理會佢地。

『我出去測試先』我食埋碟飯對樂兒説

『嗯，小心啲呀』

『知道』