《亡命者》「選擇」「領袖」: 第二章 會合

騎住電單車嘅我正快速去嘉福邨。

去嘅時候我打比佢。

陳宣宏，人稱飛宏，今年19歲，身高174，體重63kg，身材中等，有少量肌肉，同我個體型幾乎一無一樣，係我識左六年嘅好兄弟。

『喂？』

『係我』





『榮？你唔係返學咩？』 佢疑惑咁問

『有啲事發生左，我宜家過嚟你屋企』

『咩事？』

『喪屍爆發』

『唔撚係掛，你走堂搵藉口咋？』





『無時間解釋，去到你屋企講』

『好』佢講完就收左線

收左線之後我部電話無左訊號

係路上嘅人都好混亂同不知所措，有啲打電話報警，有啲小朋友問咩事。

『阿仔無事嫁，拍戲姐』個家長答





但係我無時間去理佢地，直接開車去嘉福，個無線電接收不斷傳出各地區支援嘅消息，重要都係高速公路上有貨車入面有人同人咬人嘅情況。

睇嚟各區都出事，我加大油門，愛匹用咆哮同速度回應我，到達嘉福後，呢到嘅人都有少少混亂，我不理會就上左飛宏屋企。

一開門，我見到飛宏

『究竟發生咩事？』佢一路開門一路問

『喪屍爆發，開電視』我簡潔回應

『好』講完就開電視

『香港各高速公路發生貨車相撞，並發生人咬人事故，政府呼籲市民留在家中，不要外出』一開電視就報導事件。






『唔撚係掛』佢睇住電視説

『我岩岩就係現場』

『咁佢地有無咬你？』

『無咬到，我打死左佢』我講拎出警槍放係枱

『嘩……真槍嚟嫁』佢好似見到玩具咁拎起左

『係，唔好對住人』我提醒佢

『好，照你咁講呢啲人有咩特徵？』

『對眼全綠色，但係有啲人識感染有啲人又唔識』





『咁奇怪，但係你係現場你唔驚咩？』

『驚就生存到咩？話説你啲屋企人係邊？』

『返曬工啦屌你』佢舉中指説

『又好似係』

『你就好啦屋企人去曬外國，屋企得你一個住』佢用崇拜嘅眼神望住我

『屌你啦』我回應

我阿爸在我十歲時去左外國公幹，阿媽係我十六歲個陣就帶埋十五歲的細妹一齊同阿爸生活，然後每個月寄萬幾蚊比我生活。





『打比心姐問佢係邊啦』回憶完我就問

『唔洗啦佢係房』佢平淡咁講

身後嘅房門打開，走出一位少女

佢叫吳少心，人稱心姐，今年18歲，身高155，體重50kg，完美身材，天使面孔，長腿姐姐，皮光肉滑，性格開朗，活潑，可愛，聰明，簡稱女神級戰力。

(以上為心姐自己提供，如有出入恕不負責)

『WTF？！！！』我不禁大叫

『係呀，今朝屋企人返曬工就叫左佢上嚟』飛宏繼續講

『估到………見埋紅添』我望住床角嘅血跡





『收…收聲』心姐面紅地説

『嘖，被人屌完重咁寸』

『小宏佢蝦我呀！』心姐講完就喊住走入飛宏嘅懷抱

講漏左樣，細路女。

『屌，無時間串你，集合其他朋友先』我認真地説

『肥巫同楠南係學校』飛宏睇一睇個鐘

『有無電單車？』我問

『點會有呀？』飛宏又舉中指

『考左車牌就下面拎架車渣啦柒頭』我忍唔住串佢

『你鬧我BB』心姐繼續on9

我太陽穴個兩條青筋就嚟爆。

我地整理行裝，飛宏就帶左菜刀係身，而心姐………由佢自己跟嚟。

係樓下我拎返我嘅愛匹，而佢兩個就附近搵車。

『正喎呢架車，借嚟渣下』飛宏睇住我架電單車講。

『搵多架電單車啦屌』我一個旋風腿踢走佢

好快就搵到架綿羊仔可以用，而去學校個段路，我淨係聽到愛匹嘅咆哮聲同飛宏騎住綿羊仔嘅怨聲。