《亡命者》「選擇」「領袖」: 第一章 爆發

香港 上水



早上九點。

就嚟放暑假，好似挨月尾咁嘅日子。

「鈴~」手機鬧鐘響起。





我矇矇矓矓咁睇一睇手機。

『仆街又遲到！』

講完就快速換件衫拎埋背囊頭也不回就出門口。

『屌那星！返九點半都遲到』

我叫鄭家榮，今年十八歲，處女座，身高一米七五，標準身材，深啡色瞳孔，讀VTC體育，平時就返下少年軍，打下wargame咁。





出到上水廣場。

「一班大陸西，返歸食蕉啦」眼見咁多大陸人我就一路跑一路心想。

老實說，我好好大大都住左十八年上水，我都重係好唔慣日日對住啲大陸人。

上到44號小巴，就到高速公路個陣，誰不知塞車。
前面大約四十米有架貨櫃車炒左，一隊軍裝巡邏小隊嘅警察係到處理呢件事。

『屌你老尾快撚啲啦！』個司機怒説





但係唔知邊個走去開個死人貨櫃。
結果走左班綠色眼的人出嚟。
有些人走出車外拿出手機拍片。

「咬撚死你呀傻仔」我心諗

點知下一秒啲綠眼人真係咬落去，警察持手槍警告，但係班綠眼人見人就咬，有個警察開左槍，不過個綠眼人好似唔痛，至於岩岩被人咬嗰個對眼都變綠色，跑去咬個警察，個四眼警察就一路嗌痛一路跑過嚟。

我承認如果無呢班綠眼人我係會指住佢呢笑。

但係當下無時間開玩笑，現場非常混亂，加上勢色唔對路，我第一時間叫司機開車門比我出去。

『係馬路落咩車呀，你係咪想死呀！』





「我屌，個司機係咪痴線」我心諗

『係呀，求下你開車門比我出去死呀！你唔係唔夠膽呀？』

我用激將法挑釁個司機

『屌，死左唔關我事呀！』

『收皮啦林雪！』

『都痴撚線架』我穩約聽到小巴司機咁講。

講完就走落車，走到位四眼警員身邊，佢巳經死亡，而岩岩咬住佢隻綠眼人就唔見左，宜家就緊係拎佢啲裝備啦，有電筒,對講機,無線電接收機,耳機,後備電池,急救包。

而武器就有萬用刀 手銬 胡椒噴霧 同伸縮警棍重有一枝左輪手槍加兩個快速上彈器共十八發子彈。





我拎埋皮帶戴係條腰到，個急救包就放係背囊，呢個時候有一隻綠眼人跑過嚟想咬我，而我一早就拎定伸縮警棍出嚟當頭打落去佢。

點知佢一啲事都無，重不斷想咬我，但係睇咁多喪屍電影嘅我有基本意式就係唔好比佢咬到我，我不斷用伸縮警棍直刺佢個頭，令佢咬唔到我，以前打劍擊嘅努力果然無白費，港隊教練我愛死你。

佢一嘢大口想咬我，我靈機一觸，用伸縮警棍一嘢插落去佢個口到。

『深喉啦柒頭』睇住眼前嘅綠眼人我忍不住説

呢個時候佢後退幾步，我快速拔槍，瞄準佢個頭。

「砰」

一槍就打死佢，不過後座力比我想像中大，但係好快可以適應。





殺死眼前嘅綠眼人之後，我開始尋找可以令我快速離開呢到嘅車，呢個時候得兩種選擇，電單車同單車。


而係我眼前嘅，竟然係本田125cc！！！

黑色美麗性感嘅線條，低沉嘅咆哮聲，就好似一隻冷靜嘅野獸準備下一秒殺佢嘅獵物，想當初我嘅夢想就係十八歲考車牌之後就買左佢，但係宜家佢就我面前！！

不過周圍嘅環境不容我繼續欣賞，手無寸鐵嘅人一係被感染一係被殺，有啲巳經過緊嚟。

我騎上愛匹，快速離開呢個鬼地方。