[人性] [感情事]我不會講你知，其實是第幾次: 結局篇) 五

Ada笑到停唔到，佢應該估唔到我做埋d咁低能既野去氹番佢。 
我坦白講，我都覺得好低能。 
不過只要可以氹番Dada，再低能我都肯。 

"點呀靚女？應唔應承呀？我跪左好耐喇！痺哂喇！" 

"起身啦傻佬！" Ada點點頭。 

得左喇！我終於可以同番Ada一齊喇！ 
********************************************************* 


八月我準備要番英國交畢業論文。 

"Dada，我就黎要番去喇！ 
不如你請假陪我番去玩幾日？"我好想再同Ada去旅行。 

"我睇下請唔請到假啦。 
應該冇問題既！" 

"好，咁我幫你買埋機票先！" 
諗起可以再同Ada去旅行，我就興奮到不得了。 



一星期後。 

"Sorry呀Hugo。我請唔到假呀...." Ada同我講。 

"下，但係book哂野喇喎..." 

"真係唔得呀，老細唔放我呀..." 

"咁冇辦法啦...做野緊要呀。" 


****************************************************** 
另一邊廂，Stella突然搵我。 

"Hugo，我知你番英國喇。 
我都好想去玩下呀！ 
不如我同你去？"