[人性] [感情事]我不會講你知，其實是第幾次: 結局篇) 四

接住落黎既日子，我幾乎日日都搵Ada。 
我帶佢去唔同地方，特別係有我地回憶既地方。 
我買過花，整過好多小禮物俾佢。 
我地既關係亦都愈黎愈好。 
我諗呢一刻，我地之間欠缺既， 
只係我再開口同佢表白。 

"Dada，記得呢到嗎？"我地身處下白泥。 

"Dada，我地去迪士尼好嗎？最近開左個新既園區呀。" 



另一方面，Stella都有搵我，不過佢冇特別講乜野， 
都係好似普通朋友咁。 
當然，佢都知道我同Ada日見夜見。 

時間去到七月。 
我約左Ada番poly，我地相遇既地方。 

"你約我番黎做咩呀？" 



"去precamp囉！" 

"痴左線咩你？幾多歲呀？畢埋業啦仲玩？" 

"你同我一齊去左先啦！" 

係我地眼前，係一班我地既師弟妹。 
今日係佢地既第一次precamp， 
我提議我地扮freshman，一齊落組。 
當然，我事先已經同左班攪手講左， 


佢地知道左我只係想氹番女朋友， 
都非常支持。 

大家輪流介紹自己。 

"我叫hugo，A0。" 我單單眼對住 Ada。 
Ada笑到見牙唔見眼。 

"我叫Ada，A0。" 
我諗Ada一定記得當日我地相識既情形。 

之後就玩埋d低能遊戲，我專登玩輸左。 

"Hugo你輸左，搵個人示愛啦！" 
嘿嘿，我一早夾埋左個班組爸媽啦。 


我向Ada半跪。 

"Ada，我願意係以後既日子保護你照顧你。 
我唔會再俾其他女人埋我身。 
我唔會再咁蠢做錯事。 
我唔會再忽略你既感受。 
可以俾一次機會我做你男朋友嗎？ 
可以俾一次機會我做呢個世上最幸福既男人嗎？