[人性] [感情事]我不會講你知，其實是第幾次: 歐遊(2)

考完試，就正式我既歐遊之旅。 
當然其實唔係去好耐，都係十日左右。 
出發當日，落住大雪， 
我真係幾擔心飛唔到。 
我地搭的士去機場途中都因為太多積雪而家行第二條路。 
好彩我地最後都順利飛到。 

我地一行其實只係三個人，兩個泰妹同我。 
作為唯一一個男士，唔好以為我好著數。 
所有重既野基本上都係我幫手拎... 



第一站係法國，鐵塔啦，聖母院等等我地都有去。 
最難忘既去到鐵塔個陣。 
有班東歐既人係到叫人簽名， 
話支持孤兒喎。 
我差少少就簽左， 
好彩班泰妹叫停我，原來係厄人俾錢... 
仲有班黑人拎住d手繩企圖強行套上我隻手到。 
好彩都有法國既當地人出聲阻止， 
如果唔係我應該俾人拉左去後巷打劫.... 


所以我對巴黎既印象都係唔係咁好。 
聽番當地人講，好多東歐人係巴黎搵食架。 

下一站係比利時既布鲁塞爾。 
冇乜特別。 
我唯一既印象都只係係metro差少少俾人偷野。 
之後就去左布鲁日。 
終於有一個城市我覺得係靚架喇！ 
哥德式建築，運河都係好靚。 



最後一站係荷蘭阿姆斯特丹！ 
我最期待既城市。 
點解？因為大麻合法化囉....