[人性] [感情事]我不會講你知，其實是第幾次: 英國之旅

由於學校會安排旅遊巴， 
由機場送我地去所屬既宿舍， 
我係機場等左兩個鐘， 
終於見到負責既人。 

放好行李，上左旅巴，緊張既心情從未停止。 
呢個時候，我身邊坐左一位華裔女人。 
一睇都知佢係大陸人，不過佢都幾nice既。 

一路上我都係同佢傾下係邊到讀書呀， 


係邊到住呀，點解黎讀書呀。 
閒話家常。 
其實我好想訓陣，不過基於禮貌，我都唔好意思唔理佢。 

3個鐘頭後，終於到達宿舍。 
時間係當地既下午3點。 
經歷完長途機，加上時差既關係， 
我飯都冇食就上左床訓。 

一訓醒已經係第二日早上。 


呢日我要番去學校註冊，亦順便見下新同學。 
好好彩，我個班都算幾多唔同國籍既人士。 
聽聞某d course有9成都係中國人， 
好似番左大陸讀書咁。 

係induction上， 
我認識左幾位朋友，荷蘭，法國，中國，台灣同泰國都有。 
就係咁，我展開左人生既新一頁。 
好快就開始開學，課程比我想像中忙。 
幾乎個個星期都會有presentation。 


落堂既時候，我通常都會番去宿舍。 
除左打俾老媽子之外， 
都會搵下樂仔同Stella。 
至於Ada，我始終都係搵唔到佢。