[人性] [感情事]我不會講你知，其實是第幾次: 琪琪出沒 注意 (4)
上到我屋企，我地入左房繼續傾計飲酒。
"喂，上pps睇下有冇戲睇好冇？" 琪琪問我。
如是者，我地揀左套志明與春嬌。
我地坐左係床，捱住床頭方向既牆，
拎住部laptop一路睇戲，一路飲野。
睇睇下，琪琪捱左係我膊頭。
琪琪剪左一頭清爽既短髮。
佢既頭髮攪到我好痕，
同時又覺得佢既頭髮好香。
我合埋眼，享受呢一刻既溫柔。
唔知點解，琪琪今晚都飲得幾多，
明明平時佢唔飲得架嘛。
我偶爾會望下琪琪，突然佢察覺到我望住佢。
我地四目交投，我望住佢既眼珠，
彷彿見到自己野獸既一面。
琪琪合上眼，微微嘟起小咀。
而我，諗都冇諗就鍚左落去。
我地既情感好似洪水咁一發不可收拾。
我推開個電腦，壓住佢係床。
我地不停濕吻，琪琪緊緊抱住我，
我既雙手都開始唔安份。
呢個時候，我隱約聽到電話既震動聲。
不過我地都冇停低，繼續沉醉係呢個不倫不類既世界。