[人性] [感情事]我不會講你知，其實是第幾次: 琪琪出沒 注意 (3)
自從琪琪番左黎，
我又同佢有番聯絡。
不過都係出黎食下飯咁。
直到有一日。
"喂！得唔得閒陪我睇戲呀？" 琪琪打俾我。
"唔得喎，今晚我要睇波呀！" 今晚係曼聯對車仔。
"咦...去邊到睇呀？"
"屋企睇咋。"
"一齊出去睇啦！我好悶呀！"
"你岩睇波咩？悶死你呀！" 我預計到，同琪琪出去我就會冇時間睇波。
但係琪琪死都要跟住黎，
結果我地去左尖咀既一間bar
當然，結果我地真係掛住傾計，
冇乜睇過場波。
講講下，琪琪話我知佢屋企人去哂旅行。
"上我屋企繼續飲囉。" 琪琪冇啦啦咁講。
"車！驚你呀！上咪上！" 我飲多兩杯講野都大膽d。
"哼！我屋企冇酒喎！"欲拒還迎呀你而家？
"又係你提出既！買酒囉！"
"行囉！"
我地真係去左7-11買左枝紅酒。
我買完之後琪琪就縮沙。
"唔係真係上去嗎？唔得架！"琪琪見我真係買左酒又淆底。
"車！玩野呀你？買左酒喇喎！"我不滿。
"上你到囉咁！"琪琪又再度提議。
結果我地真係上左我屋企。