[人性] [感情事]我不會講你知，其實是第幾次: 回家

我地拎完行李，就去左搭的士番屋企。 
呢個時候，我電話響起，係樂仔。 

"點呀？"我聽左樂仔既電話。 

"喂你唔見左幾日既？唔係香港咩？" 我先記得原來我冇同樂仔講我會去旅行。 

"係呀去左日本之嘛！" 

"冇聽你講過既？同邊個去呀？"叻仔，一問就問到重點。 



我隊左個電話俾Ada，示意叫佢出聲。 

"Hello樂仔，我係Ada。" Ada把聲即刻扮哂斯文。 

樂仔同我咁熟，當然有聽過我同Ada之間既事。 

"喂死仔！你同人friend到去左旅行？ 
我識左係咁多年你都冇帶過我去旅行喎！" 



"哈，再解釋俾你聽啦。 
點呀搵我有事呀？" 

"冇呀，見咁耐冇見想搵你食飯之嘛！ 
今晚得唔得先？" 

"緊係得架，我都咁岩想搵你食飯。" 
當然，我有別有用心架啦。 
約好左時間地點我就收左線。 



"哼！你今晚唔係陪我食飯架咩？ 
一番到黎就掉得我！" Ada嘟起個咀。 

"傻妹，邊到係掉低你呀？ 
我諗住你咁耐冇見屋企人，要番屋企食飯咋。 
一係我陪你食？我之後再約佢？" 

"講笑咋傻佬！我係咁專制架咩！ 
你玩得開心d！ 
我約左成班仔仔陪我食飯架喇你唔洗擔心我！" 

丫，死妹釘。