[人性] [感情事]我不會講你知，其實是第幾次: 巧遇同學 (2)

"軒，你撞到朋友呀？我幫你拎左行李喇！"個個高妹講。 

我而家可以更加肯定，上天一定係高登仔！ 
中意睇人仆街呀！ 
因為走埋黎既，正正係Stella。 

Stella呢個時候先望到我同Ada，佢面色一變， 
氣氛尷尬到極點。 

"Hi Stella！咁岩既。 


喂軒哥，你同Stella去旅行呀？" 
我一臉冷靜，我諗呢到得我一個可以解圍。 

"Hi Hugo，Ada！你地....去旅行呀？" Stella好冷靜咁答我。 

"係呀，岩岩係東京番黎。 
你地去完台灣？" 我反問。 

"嗯，係呀去左墾丁。" 



"哦，喂再講啦！我地要拎行李喇！ 
得閒出黎食飯啦！" 
係人都聽得出我借d意走人啦。 

"好啦，拜拜！" 軒仔同Stella一齊講。 
之後我地就向相反方向離開。 
軒仔同Ada就冇出過聲。 
畢竟軒仔係我同Stella既common friend。 
而Ada，我地之前仲大大聲咁話我地只係好朋友。 



"喂！Stella唔係同個個咩Darren一齊架咩？" 
女人果然好八卦。 

"我點知姐，咁樣應該係分左手啦！" 

"攪錯呀你點解唔知架？你唔係中意人架咩？"嘩！呢個問題擺明係陷阱。 

"冇你咁好氣呀小姐。我仲中意佢點會同你一齊？" 
我都唔知自己有冇講大話。 

"哼！都唔知你邊句真邊句假。"Ada好明顯就係甜笑緊啦。 

不過我當然都有相同既疑問， 
Stella唔係同Darren一齊架咩？ 
咁而家即係分左手？ 


咁佢又點同軒仔搭上架？ 
雖然大家個時都係同學校， 
不過我冇聽過佢地本身好熟架喎。 
嗯，有機會要八卦下先。