[人性] [感情事]我不會講你知，其實是第幾次: 東京最後一夜
我地好快就玩到天黑。
聽日我地就要坐早機番香港，
意味住我同Ada既日本之旅就黎完結。
我諗今次行程既最大得著，就係我同左Ada一齊。
希望佢可以快d忘記個個男人啦。
夜晚，我地去食左個拉面就番左酒店。
"好攰呀！我去沖涼先喇！" Ada唔理會攤左係床既我，準備去沖涼。
"Dada呀。"我都係改唔到口。
"做咩呀？"
"不如我地一齊沖涼咯！
" "痴線唔制呀！你就想呀！死變態佬！"
哈哈見到佢紅都面哂真係覺得佢好得意。
佢沖涼期間，我繼續攤左係床到。
由於太攰既關係，我不知不覺訓著左。
"起身喇污糟豬！快d去沖涼！" Ada已經沖好涼。
我踏入洗手間準備沖涼。
房間仲充滿住Ada沖涼既香氣。
而且，我見到Ada既內衣就咁掛左係到！
拿，我冇咁變態架！
不過我有偷偷地幻想下咁囉....
沖完涼，Ada坐左係床上面，睇緊書。
"傻妹，做咩仲唔訓呀？"
"等埋你丫嘛！我要攬住你訓呀！"
就係咁，Ada背住我，我從後面攬住佢一齊訓。
好香。我好中意Ada身上發出既香味。
唔知係咪沖完涼個人太過精神，我居然訓唔著。
Ada發出輕輕既呼吸聲，我諗佢已經訓左。
唔知點解，攬住Ada既我又開始有生理反應...