[人性] [感情事]我不會講你知，其實是第幾次: 拍拖第一日

"Hugo，我好攰喇，不如訓喇。" 

"嗯，當然好啦。" 

"我有一個小小既請求，你可唔可以攬實我訓？" 

"哈哈你唔講我都會咁做啦！" 

呢一晚，我同Ada就咁攬住一齊訓。 
坦白講，你估我冇反應咩？ 


但係一黎旅行左幾日，半夜起身攪左咁耐，我都攰喇。 
二黎我唔想Ada因為呢d事勾起唔開心既回憶。 

同Ada係一夜之間，又好朋友變成情侶， 
坦白講我真係唔係好慣。 
Ada始乎都係有少少尷尬。 
鬼咩，大家都咁熟啦！ 

我地旅行既行程好快淨低最後一日。 
我地亦繼續爭取時間，建立屬於我地既回憶。 



呢一日，我地專登一早去左淺草。 
我想同Ada做一樣佢冇做過既事。 
著和服！ 
我諗呢樣亦係一眾女孩子夢寐以求既一件事。 
Ada租左一套粉紅色既和服，配以可愛既頭飾， 
淡淡既妝容，真係好靚。 

"Dada你好靚呀！" 



"即係你話我平時唔靚啦？"佢想起飛腳。 

"喂！叫左你幾多次唔好咁粗魯！ 
平時都算啦！著住和服就好心你斯文d啦！ 
我乜野幻想都冇哂喇！" 

"哼！今日就放你一馬！ 
番到酒店你就知死！" 

我地去左一所寺廟，最主要都係想影下相，留個紀念咁。 
途中有好多外國人，都唔理我地係咪日本人， 
要求同我地影相，我地都係來者不拒。