[人性] [感情事]我不會講你知，其實是第幾次: 紋身既女孩 (8)

當我仲諗緊我係咪打錯電話。 
個男人首先開聲。 

"Rose唔得閒呀，拜拜。" 跟住佢就收左線。 

我仲以為我打錯電話，睇黎並唔係咁樣。 
我嘗試sms Rose。 

"喂，唔係出街咩？" 



"I have told you she wont go out with you." 

"who are you?" 

"Her BF." 

我晴天霹靂。 
BF斷估唔會係Best Friend掛？ 
我完全失哂方寸，即係佢地已經一齊左？ 
仲有另一個更惡劣既可能，不過我唔想承認， 


亦唔想去懷疑Rose。 

當我再sms佢既時候，佢就已經冇再覆過。 
我唔知痴左邊條根，決定去佢樓下等佢番黎。 
問清楚佢件事。 

今晚天氣都幾凍，十度都唔夠。 
我一個人企左係Rose樓下僕佢。 
望住一班又一班既住客番黎， 
我始終見唔到佢身影。 


但係我知道佢一定係出左去。 
因為佢同我講過今日會出去先再搵我。 

等呀等，望一望手錶，1230am。 
我已經等左3個鐘，正當我諗緊好唔好放棄既時候。 
我見到Rose係另一邊既入口番黎。 
本來我打想上前去叫佢， 
但係眼前既鏡象令我卻步。 

佢橋住左一個男仔等緊lift。