[人性] [感情事]我不會講你知，其實是第幾次: 火車姐姐既秘密 (3)
"去邊呀？"
"唔準問，你跟我去就得喇。
你唔係唔想我再飲咩？" 火車姐姐以命令式既語氣咁講。
女人最叻既就係，好似俾左選擇你，
但係其實冇得揀。
"好，行啦。"
我跟住火車姐姐行，好快就去到目的地。
時鐘酒店。
我一臉愕然。
"我地黎呢到做咩呀？" 我好似有少少明知故問呀可？
"都話唔好問。你上唔上去？
唔上我地就番去酒吧。"火車姐姐皺一皺眉。
我死死氣咁跟左佢入去。
呢個時候，我個心跳得好快。
我完全唔明白點解火車姐姐要帶我黎時鐘酒店。
佢飲醉左？我覺得佢又未醉得哂。
嗯，一定有陰謀。
上到去，我企左係到，一言不發。
"你..坐住先，我沖個涼。"火車姐姐同我講
".............."我真係乖乖咁坐左係到。
任何一個男人，係時鐘酒店。
個女人去左沖涼，一定會想入非非。
我承認我真係諗緊同火車姐姐纏綿既情況。
但係令我猶疑既係火車姐姐既動機。
唔通佢中意我？
由幾時開始中意一個人係由性開始架？
火車姐姐出到黎，只係蓋住條大毛巾，
企左係我面前。