[人性] [感情事]我不會講你知，其實是第幾次: 放下，放不下

我聽到呢到，我由憎佢，變左同情佢。 
我都俾人傷害過，我都傷害過人。 
個種痛真係難以言語。 
而被人傷過既，往往都會做唔番自己。 

"Ada，雖然我唔知個個男仔係邊個。 
但係既然佢咁對你，你又何苦要為佢作賤自己？ 
放低佢你先可以走向前。" 

"但係我放低唔到呀。" Ada好細聲咁講。 



"有冇聽過一句說話？ 
愛情就好似拎住一杯滾水， 
痛到頂唔住就會放手。" 

"我已經盡力唔諗佢架喇...但係佢成日都係我腦海出現。"　Ada抬起頭，雙眼通紅咁望住我。 

"如果我叫你千其唔好諗一隻粉色既大象， 
你腦海第一個出現既影象就會係呢隻粉色既大象。 
忘記，唔需要刻意去做。 


順其自然，唔好咁執著啦。 
我都俾人傷害過，我明白你既感受。" 

我突然間哲學家上身咁，將我聽過既野都講番哂出黎。 
Ada冇出聲，淨係望住我。我再講： 

"由今日起，你係我既好朋友。 
有咩唔開心既，隨時同我講。 
不過我有一個要求。" 



"你唔係而家先要同我上床呀？" Ada破涕為笑。 

"認真架頂你。我希望你當我係Hugo，而唔係個個男人。" 

"好。對唔住呀，我唔會好似個低b妹咁煩住你。 
不過，我都有個條件。" Ada若有所思。 

"咩呀？" 

"可唔可以俾我攬下你...." 

我冇出聲，主動將Ada一擁入懷。 
不過，佢件衫實在太薄，我一攬住佢，又自然有左生理反應。