[人性] [感情事]我不會講你知，其實是第幾次: 酒醒過後

"你仲話唔想要？" Ada摸住我心口問我。 

讓理智在叫著冷靜冷靜。 

"Ada，你聽我講，你醉喇，乖啦冷靜少少好冇。"我唯有溫柔d咁氹佢。 

Ada唔理我，佢居然拉起件衫想除左佢，一個黑色厘士既BRA呈現眼前。 

"你做乜呀！穿番佢啦凍鬼死你呀！"我禁住佢唔俾佢除。 



"Hugo，我俾多次機會你！你真係對我完全冇興趣？"　Ada今次比較強硬。 

"我地係朋友嘛。你冷靜d啦好冇？"　我氹佢，而且，我真係唔想同佢上床。 

Ada終於放棄，但就開始抽泣。 
我見到呢個情況，一時唔知點反應。 
佢喊喊下就攬住左我，僕左係我膊頭喊。 
我輕輕撫摸佢頭髮，安慰佢。 
呢個女仔情緒點解大起大落架？ 



喊喊下佢就起番身，坐番係我身邊。 
佢終於開聲。 
"對唔住Hugo，攪到你。" 

"傻啦，你係咪有咩事？" 

"我...你有冇興趣聽下故仔？" 

"嗯，好呀" 



"我岩岩分左手，我既男朋友背住我同第二個女仔上左床。 
我發現左，但係我真係好唔捨得佢。 
佢應承左我，會同個個女仔分開。 

點知，我發現左佢居然仲有第三個！ 
我就知道我地冇可能再係咪一齊。 
個陣我好激動，我打左佢一巴。 
佢就發哂癲咁打我，話我淫婦，佢淨係想同我上床咋。" 

我冇出聲，靜靜咁聽。 

"跟住落黎，佢仲周圍唱我。 
話係我呢樣唔好，個樣唔好，又同男仔玩得好埋。 
呢段時間我真係好唔開心。 
直至我遇到你，你既行為動作令我諗起佢。 


偏偏你性格同佢好唔同。 
所以我就成日煩住你，想痴住你。 
對唔住呀Hugo，我知我煩到你... 
但係我不知不覺當左你係佢喇..."