[人性] [感情事]我不會講你知，其實是第幾次: PRECAMP(3)

一起身，就見到個電話有十幾個message.... 

痴線，邊個發癲呀？ 

我一睇，原來係Ada！ 

"喂，我係Ada呀！做緊咩呀？" 

"好悶呀呢到，早知唔黎啦。" 



"嘩！你記唔記得今日既Peter同呀儀？佢地玩到咀哂咁啦。" 

"唔應機架你！哼！" 

我心諗，呢個女人都幾煩架喎。 
我簡單應左佢一句: "sorry呀琴晚訓左" 

點知Ada好快就覆左我。 

"咁早訓？我地岩岩先玩完去緊食早餐咋。 


你出唔出黎？" 

佢地係咪咁鬼好精力呀？我攰到一早訓左，佢地居然玩天光？ 

"唔喇，你地玩得開心D。" 

食個早餐，我冇野好做，決定去跑下步。 
點知我一路跑，Ada就一路message我。 

"點解唔出呀？" 



"我去跑步呀。" 

"出啦出啦出啦！你住邊呀？" 

佢真係好撚煩。我決定唔理佢，專心跑步。 
Ada再send多幾個message黎，我都係冇應佢。 
佢就放棄左喇。 

話咁快，就去到另一個ocamp既precamp。 
由於有左先前個次既經驗，我都變得冇咁靜。 

呢一組，都係大概二十人。 
基本上，做既野，玩既野都係差唔多。 
玩玩下朱古力波彈彈波既時候， 


突然我見到隔離組既一個人，我呆左咁望住佢。 

佢個樣，好似Stella。