[人性] [感情事]我不會講你知，其實是第幾次: PRECAMP(2)
雖然Ada拉住我，但我冇乜興奮既感覺。
唔知點解呢一刻我都係唔想同女仔玩得太埋。
或者，Stella仲係我心入面掛。
如是者，玩到夜晚既時候，活動就完結喇。
一大班新生就襯呢個機會同其他人交換下電話。
相信好快會傳出有人拍拖架喇。
雖然呢班好大可能將會係我第時一齊上堂既同學，
但我真係冇乜興趣去認識佢地。
只係問左幾個男仔拎電話，話第時一齊踢下波咁囉。
Ada呢個時候走左埋黎。
"你電話幾多號呀?"
"你可唔可以俾你電話我？我地成班同學其實玩緊遊戲。
我就負責問你拎電話。你介唔介意俾我？" Stella問我。
"喂，hugo？你做咩發牛豆呀？你電話幾多號？" Ada再問我。
原來我諗Stella太入神。
"sorry，我電話係....."
"喂！我電話同你差兩個字咋！好岩呀！" Ada好興奮咁講。
"咦，係喎！哈哈！"我都有少少他鄉遇故知既感覺。
佢地一大班同學打算一齊去唱k，我就選擇番屋企。
番到屋企，都真係幾寂寞。
於是，我打開msn，睇下有冇人可以陪我傾下計。
琪琪，嘩，我有幾耐冇搵過佢呢？
自從佢同番Philips一齊，我地都冇搵過大家。
算啦，都係唔搵佢喇。
樂仔，佢去左又一城市大學。
不過我地都經常聯絡，所以冇乜野想同佢講。
火車姐姐，係喇，搵火車姐姐傾計先！
"hello，係唔係到呀？"
過左好耐，佢都係冇應我，我最後都係放棄，選擇訓覺。
唔知係咪今日玩得太攰，好快我就訓著左。
仲訓得好冧，連有電話message都冇嘈醒我。