[人性] [感情事]我不會講你知，其實是第幾次: 放榜

我知道Stella真係好決斷之後， 
我選擇唔再強人所難。 
如果上天希望我地係埋一齊，我知道我一定會再遇Stella。 
相反，如果我地真係有緣無份，我亦都冇必要強求。 
有人講過， 
既情深何必嘆緣淺，既緣淺又何必種情深。 
冥冥之中自有主宰。 

不知不覺，已經到左放榜既大日子。 
就係兩年前放榜，帶領左我黎左呢間學校，因而結識左Stella。 


我唯有相信，一切都會有新既開始。 

約左樂仔番學，搭火車途中我地又遇到火車姐姐。 

"乜你仲要番學架咩？" 我問。 

"番黎拎少少野咋！係喎你地今日放榜喎！ 
緊唔緊張先？"　 

"我呢d天才唔洗緊張啦！"　講真，我緊張到手腳到震埋。 



"哈哈，考得好要請食飯！" 火車姐姐疑似敲詐。 

"冇問題啦！你開到聲喎！考得唔好都請架啦！"我又不自覺咁口花花。 

樂仔完全冇搭過一句咀。 

番到學校，等班主任入黎個十分鐘，我緊張都野都講唔到。 
畢竟呢兩年黎，我盡左我百分百既努力去讀書。 
如果入唔到大學我都唔知點算。 


不過我要求真係唔高，有OFFER就已經可以喇。 

班主任入到黎，開口就講： 
"逐個嗌名出黎拎啦。" 

結果，第一個就係嗌我個名。 
班上既同學仔即時起哄。話哂呢兩年，我都係呢班既表表者。 
我考mock既時候，平均分已經拋離左第二名接近十分。 

我望住班主任，佢開口同我講："恭喜你！" 

我一邊行番位，一邊深呼吸，打開張成績單。 
我既第一個反應係："下？！" 
之後就呆左係到。 
有幾個同學即刻擁埋黎，搶左我張成績單。 



"嘩！嘩！"我都未出聲，佢地已經公開左我成績。 

就係咁，我成功踏入大學之門。 
但係，我既下一個煩惱就黎喇。 
JUPAS。由於我事前冇諗過考得咁好， 
三大既科我一科都冇放到，換言之， 
係我手頭上最好既大學，係理工同城大。 

最後我揀左POLY，當然成功入讀啦。 
放左JUPAS之後，我就收到POLY個電話。 

"請問係咪Hugo？你好，我係香港理工大學打黎架。 
我地想通知番你，由於你既成績附合左我地獎學金既要求..." 
下刪一萬字。 


結果，我既中學生涯正式完結。