[人性] [感情事]我不會講你知，其實是第幾次: 病房 (2)

樂仔電話響起，打黎既係Hugo。 
樂仔猶疑左一陣，都係決定唔係Stella面前接呢個電話。 

"你地傾住先，我去一去廁所。" 樂仔離開左病房，走向一個比較少人既地方。 

佢打番俾Hugo。 

"唉，死仔。你做乜鬼野呀你？ 
為左考個試，冇左個咁好既女朋友，值得咩？ 
好自為之啦。快D追番人地啦！ 


唔講喇我有少少野忙緊，再搵你啦。" 

樂仔亦都冇等Hugo回應，就趕左番去病房。 
佢而家唯一可以為Hugo做既，就係睇住Darren同Stella有咩發展。 
但願Stella呢個時候，唔會俾Darren承虛而入。 

呢個時候，Candy都已經番左黎。 
Candy見到樂仔，就拉左樂仔埋一邊。 

"喂，個賤人係咪打左俾你？ 


我同你講呀，你唔好諗住幫佢呀！ 
我一定唔同意佢兩個係埋一齊架！"　Candy發出嚴正聲明。 

"係，佢係打過俾我。但係點解唔幫下佢？ 
我地都想佢地好番架嘛？"　樂仔嘗試說服佢。 

"唔想，我唔想再見到Stella受傷。" 

"但係呢d係佢地既事呀，唔輪到我地反對呀。" 



"總之唔得！你而家係咪想為左佢同我嗌交先？" 

"唔係..."樂仔暗嘆一口氣。 

"兄弟，靠你自己喇。"