[人性] [感情事]我不會講你知，其實是第幾次: 尖沙咀海旁 (2)

"SHIT！唔係呀嗎？" 樂仔驚呼，即刻拖住Candy源住聲音既來源跑過去。 

"頭先個女仔係到要生要死，則邊既人都驚佢出事架喇。 
點知轉過頭一野就跳左落去！ 
唉，而家d後生仔女真係... 
喂，報左警未呀？" 

樂仔聽到海邊個呀叔講既野， 
都冇時間怪責佢得把口仲唔救人。 
佢掉低左身上既電話同銀包，就二話不說跳落水。 


樂仔話哂係運動健將，今日既海面又唔係太大風， 
所以佢都唔會有太大危險。 

當然，Candy係碼頭邊緊係心急如焚啦！ 
好彩，樂仔好番就拖住女仔既身體爬番上碼頭邊。 

"咳...咳..." 果然係Stella。 
好彩佢意識仲係清醒。 

"你做咩咁傻睇唔開呀？" Candy喊哂口，好焦急咁問。 



"我...我...唔小心跌左落水..."Stella解釋。 

Candy同樂仔唔信佢既呢個解釋。 

"唔好講喇！冇事就好！ 
我地去醫院檢查下啦！"樂仔先開口。 

"唔洗呀，我唔想去醫院。"大概Stella係怕會諗番起媽媽。 



"唔得！點都去睇睇啦！點解白車仲未到架？" 

原來一直冇人報警，樂仔知道之後就破口大罵班花生友冇人性。 

"乖！我地搭的士仲快，我幫你call Hugo過黎。" 樂仔拎番個電話，準備打俾Hugo。 

"痴線咩你！仲搵個賤人做咩呀？" Candy居然阻止樂仔。 

"唔好打俾佢，我以後唔想再同呢個人有任何關係。" 
連Stella都堅決咁講，樂仔都冇再講乜野。