[人性] [感情事]我不會講你知，其實是第幾次: 鬧分手

我從來都冇見過Stella發咁大脾氣。 
一直以黎，Stella對住我都係小鳥依人， 
咩都聽哂我講。 
但係火遮眼既時候，我又點會顧慮咁多。 

"係喎你好偉大喎！多謝哂你啦！ 
我點捨得你辛苦呢！ 
你以後就唔洗過黎幫我做咁多架喇。 
得架喇我一個人辛苦得架喇。 
我又唔會死既。 


廢事好似我逼你做咁啦！" 
我語有輕挑咁答佢。 

"你做咩咁唔講道理架？人地都唔係咁既意思！" 

"唔係咁意思係咩意思呀？下？ 
你真係變左好多。 
以前既你都唔係咁煩架喎。" 

"我變？ 


係，係我錯我係變。 
我錯在我咁愛你，我變在我愈黎愈緊張你既感受。 
我錯在自投羅網，當初走左去拎你電話！ 
到最後，我連自己以前係點我都唔記得呀！ 
你好狠心呀Hugo！ 
變個個係你呀！ 
你如果唔再愛我，唔再珍惜我， 
你出一句聲，我會自己走， 
唔洗你可憐我。" 



"我變？我變乜野呀？ 
我一直都係咁樣。 
你唔滿意既，我又冇逼你留低。 
你而家後悔丫嗎？走丫隨便走！" 

"嗚..嗚..你衰人黎架！ 
我都冇做錯！你居然唔要我趕我走..." 

我未等Stella講完，我已經收左佢線。 
由呢日開始，我地甜蜜既世界崩潰了。