[人性] [感情事]我不會講你知，其實是第幾次: 火車姐姐

"好呀，不過冇人幫我地影喎。我地自拍？" 佢笑一笑。 

"嗯，好呀。" 

我地兩個就咁企左係樓梯到自拍。 
我地貼到好埋，應該咁講，好少岩岩相識既人會貼到咁埋。 
我聞到佢頭髮既香味。嗯，好重果香味。 
我個心不自覺咁跳得好快好快。 
諗諗下，原來我已經好耐冇同陌生女仔接觸過。 



我地影左好幾張，之後我就問佢： 

"你俾你MSN我？我SEND番張相俾你丫。" 

"好呀。" 由於冇紙，佢就寫左係我手掌。 

"呀，傾左咁耐，都唔知你叫咩名？" 差D連名都唔記得問。 

"我叫呀魚呀。" 



同火車姐姐(我都係中意叫佢火車姐姐多D) 分開左之後， 
我番左課室，樂仔就走左埋黎。 

"喂，去左邊呀你？" 

"影下相之嘛。呀，話時話，我岩岩撞到火車姐姐呀。 
我同佢影左相呀。" 我show D相俾樂仔睇 

"有冇攪錯呀！你唔叫埋我？" 樂仔一拳打落我心口。 



"都話撞到，點叫埋你呀大哥！"　我推番佢一野。 

"頂！話哂佢都係我地既共同回憶丫！冇番張三人合照點得架！ 
咁你有冇問人電話呀？"　唔知點解樂仔咁緊張。 

"咁又冇呀..."我攤一攤手。 

"咁佢邊班架？"樂仔追問。 

"我冇問呀..." 

"...........算啦，我去搵下啦。" 佢個樣有少少無奈。