[人性] [感情事]我不會講你知，其實是第幾次: Bobo的結局

時間追溯到Bobo同呀健一齊左三個月。 

一個公園入面。 

"呀健你想點呀究竟？你背住我同第二個攪？我真係好後悔同左你一齊。" 

"咩想點呀？分手囉！Come On，當初係你自己選擇背叛Hugo架。" 

"............我信錯左你。" 



"嘿。係你一廂情願認為我比Hugo好。係你自己飲醉酒跟我走，你怪我呀？" 

啪！公園入面既女仔，一巴車左落個男仔到。 

"你好野！我唔打女人。" 講完個男仔就走左去。 

從此，佢地兩個再冇聯絡。 

女仔偶爾會諗起佢既前任男朋友，諗起佢原來好好。 
不過佢知道自己已經冇資格擁有佢。 



有一日，女仔係街竟然見到佢既前任！ 

"咁岩既Hugo。"女仔顯得好尷尬。 
佢望住呢個曾經係佢既男人，係到諗而家到底佢情歸何處呢？ 

"Hi Bobo，最近，好嗎？" 男仔好大方咁問。 

"都可以啦，我升唔到中六，屋企又有少少事，所以決定出黎做野。" 



"嗯，做野吸收經驗都好既。你同呀健點呀？" 

女仔顯然唔想提及呢個話題。 

"我地分開左喇...不過我而家過得好好。我趕時間，遲D約你出黎傾計啦。" 

女仔唔係真係趕時間。只不過佢仲未可以面對到眼前呢個前任。 
當然，佢都好好奇點解對方好似已經放低左佢咁。 

係女仔既內心深處隱約覺得，佢地呢世都唔會有機會再見。