[人性] [感情事]我不會講你知,其實是第幾次: 再遇琪琪
突然俾我搵到琪琪既XANGA,真係興奮到不得之了。
結果我就好似個變態佬咁,睇哂佢既所有POST。
可惜上面冇佢既聯絡資料,我最多都係可以J下佢既POST。
又有一日,放學番屋企既時候,竟然見到琪琪等緊過馬路。
我唔知痴左邊條根,居然走上前。
"Hi,我叫Hugo呀。我成日都係附近見到你,又同你同一間學校,唔知可唔可以同你做個朋友呢?"
"哦。"佢淨係應左一個字。
哦即係點呀???
我見到佢好尷尬又面紅紅既表情,真係好可愛。
不過唔知佢係怕醜定係睇我唔上眼,哦完之後居然就咁走左去。
![](http://forum12.hkgolden.com/faces/cry.gif)
我目送佢既背影慢慢遠去,呢鋪真係柒到冇朋友。
可能係佢既態度,激起左我好勝既慾望。
我番到屋企,思前想後,決定搵識琪琪個個同學。
個個同學係一個女仔黎,平時唔係咁熟。
"hello,做緊咩呀?" 我求其打開話題。
"冇呀,睇緊電視咋。你呢?"
"我上下網咁囉。話時話,你識唔識一個叫琪琪既女仔?應該form 3 架。"
"哦,原來為左佢。識呀。" 唔通為左你咩。
"你可唔可以俾佢msn我呀?"
"好啦,你等等。"
同學好快就俾左琪琪msn我。
雖然岩岩先柒左一次,但係我深信一個定律。
人不要面則天下無敵。
我下定決心,要全力追佢。
"Hello 琪琪 "
我靜靜咁等候琪琪既回覆。