[人性] [感情事]我不會講你知，其實是第幾次: 終於痛哭了

我係街上流住眼淚，漫無目的咁走。 
我諗D途人見到我應該以為我傻既。 

我一D都唔想番屋企，對住四面牆我驚我會自殺。 
以前有咩事，我都可以搵Bobo同呀健傾計。 
究竟我做錯左乜野？個天要一次過拎走我最重要既兩個人？ 

走下走下，我行左去球場。 
我同Bobo第一次見面既地方。 



諗番起佢甜美既笑容。 
諗番起佢出盡力咁咬我。 
諗番起我地既第一次。 
其實我真係唔甘心我既初戀咁就完左。 
我以為我係一個好灑脫既人。 
但原來唔係，我覺得我放唔低。 

每個人既初戀，無論過左幾耐，都會佔據心房既一個位置。 

我拎起電話，發現有好多SMS。 



Bobo: 對唔住呀Hugo...我知我講幾多次對唔住都冇用。我唯一既請求係你唔好唔開心，我愛你。你可唔可以比一次機會我？我保證唔會再有下次架.... 

健: Sorry Dude...如果你想打我，我唔會還手架... 

樂仔: 衰仔，做咩唔聽電話呀？有咩事我實撐你架喎。快D打俾我啦。 

我一個都冇覆。我合埋眼，感受一下吹到面上既風，深呼吸，我想咩都唔諗。 
但係一合埋眼，Bobo同呀健纏綿既影像又會出現係我腦海。 



一醉解千愁，今晚，我要不醉無歸。 

"樂仔？出黎陪我飲野。"