[人性] [感情事]我不會講你知，其實是第幾次: 出軌

我諗好多男人都一樣，最怕就係女人既眼淚攻勢。 
HP值遇到淚水會即刻變0。 

"做咩事呀？唔好喊啦。" 我將Bobo一擁入懷。 

"我...我有D野想同你講呀。但係你可唔可以應承唔好嬲我..." 

"你講啦。" 其實我做哂心理準備架喇。 

"琴晚你番左大陸，我地去唱K，飲左D酒。我...對你唔住呀..." Bobo又繼續喊。 



講真，我事前雖然有幻想Bobo做左好多對唔住我既事。 
但係我冇諗到居然去到呢個地步？！你唔好同我講你酒後亂性呀！ 

"跟住呢？"我禁住自己把火。 

"我..同人發生左關係.." 

"你同呀健上左床？" 



Bobo冇答我，淨係繼續喊。 
佢冇否認，即係佢承認左佢同呀健真係上左床。 
聽到呢到我真係一片空白。 
你同佢有路，你同佢出街，你厄我，我都仲可以忍。 
你同佢上埋床？我點忍呀？ 

"對唔住呀Hugo...我知我做錯左。你唔好掉低我呀..." 

"你同佢...係幾時開始曖昧？"我借呢個機會攪清楚。 



"3個月前，我同你咩個陣，個套咪穿左既...我日日都好擔心。 
咁岩我同佢傾計...佢安慰左我好耐。我同佢先熟左咋..." 

"我最後想知，琴晚你係咪自願..."我實在唔想再見到眼前呢個女人。 
對多佢一秒，我驚我會忍唔住打佢。 

"我唔想架...我飲左酒咋...Hugo你唔好唔要我呀。" 

我冇出聲就走左去。 
我知道再唔走，我會係佢面前崩潰。 

我既初戀，悲壯終結。