死後，我成為了地府的牛頭馬面: 9.14

梁真英一面愕然地看著孟婆，似乎不相信自己的耳朵。

「你......話......咩話?」

「你將會投胎為豬，喝下孟婆湯，忘記前塵往事，安心上路，重新做人!」孟婆顯得不耐煩。

我相信梁真英是近期唯一向他再次詢問這句說話的亡者。

「豬?點解唔係人架!」梁真英一面憤怒地瞪著我。





「點解你唔同我講!點解你要呃我啊!要我做畜生，我寧願永不超生!」梁真英咆哮著，引起其他亡者與陰差的注意。

「大膽!奈河橋上豈容你胡鬧?」孟婆怒道。

梁真英突然發難奔走，我與馬面連忙追趕。

「梁真英，你唔係再走!」我邊走邊喊道。

梁真英停下腳步。





「我真係傻，我一個小小既亡者又點會逃得出你地既手指。」梁真英慢慢陷入絕望。

由絕望到希望再墮回絕望，他的內心早已粉碎。

「接受現實，番去投胎，你仲有得揀!」

「做畜生有幾痛苦你地知咩?做畜生唔係好似你地咁樣，戴往個面具周圍走!」

在此，我要更正這不是面具，而是我們的容貌。





「我壞事做盡，享盡佳餚，豬胚胎、乳豬、燒豬我都食過。畜生恍惚為人而生，生出黎就係為左死，果種冇人生、冇起伏的痛苦，你地明唔明?」梁真英歇斯底里叫道。